visir.is:

Strandveiðibátar hafa streymt á miðin í nótt til að hefja veiðar úr júníkvótanum. Um sex leitið í morgun voru 330 bátar komnir á sjó, umhverfis allt landið.

Einyrkjar róa á nær öllum þessum bátum og eru þeir ekki í Landssambandi íslenskra útvegsmanna, en horfur eru á að skip stórútgerða muni ekki róa í viku til að knýja á um frekari viðræður um fiskveiðafrumvörpin.

Þessar myndir tók ég í dag, sjómannasunnudag, í Sandgerðishöfn. Sýna þær þó í raun aðeins tvo báta, annan með KÓ nr. og hinn með ÁR nr.


                         2405. Andey ÁR 10 og 1153. Margrét KÓ 44


                                               1153. Margrét KÓ 44


                        


                                  2405. Andey ÁR 10 © myndir Emil Páll, 3. júní 2012

grindavik.is:

Í tilefni Sjómannadagsins fékk Björgunarsveitin Þorbjörn glæsilega gjöf frá Sjómanna- og vélstjórafélaginu, Þorbirni hf., Vísi hf, Einhamri ehf. og Stakkavík ehf. eða nýjan björgunarbát hlaðinn öllum nýjustu tækjum og tólum. Björgunarbáturinn hefur fengið nafnið Árni í Tungu og kemur í stað annars báts með sama nafni sem verður seldur. Séra Elínborg Gísladóttir sóknarprestur blessaði bátinn.

Veittar voru viðurkenningar fyrir kappróður, netabætingar og ýmislegt fleira en ræðumaður dagsins var Guðni Ágústsson.

Efsta mynd:
Viðar Geirsson frá Sjómanna- og vélstjórafélagi Grindavíkur, Bjarnfríður Jónsdóttir, Pétur Vilbergsson, Elín Þorsteinsdóttir, Sverrir Vilbergsson, Bjarný Sigmarsdóttir, Sigmar Björnsson og Ólafur Jón Arnbjörsson skólastjóri Fisktækniskóla Suðurnesja í Grindavík.

 Séra Elínborg Gísladóttir blessar nýjan björgunarbát Björgunarfélagsins Þorbjarnar í Grindavík.

Kvennasveit Vísis sem sigraði í róðrakeppninni.

Sturla GK vann róðrakeppnina fjórða árið í röð.

Fisktækniskólinn sem vann róðrakeppni landsveita.

Verðlaunahafnar í Íslandsmótinu í netaviðgerðum. Sigurvegarinn Theódór Vilbergsson er lengst til hægri.

Koddaslagurinn er fastur liður á Sjómannadaginn.

                      Vestlandía  í Sandgerði í dag © myndir Emil Páll, 3. júní 2012


                   Vestlandía, í  Skagen © mynd MarineTraffic, claus carlsen 14. maí 2012

Þessi síðustu mynd birti ég af því að sólin var frekar leiðinleg við mig í dag og því eru myndirnar ekki nógu góðar. Það er af skipinu að frétta að það er nú á leið til Tálknafjarðar.

Góða veðrið hafði ekki síður góð áhrif á Garðskaga en annarsstaðar í dag. Þar voru ferðamenn í tjöldum, aðrir að skoða náttúruna, byggðasafnið o.fl. Þar að auki voru starfsmenn frá Siglingastofnun að mála gamla vitann.
Koma hér nokkrar myndir sem ég tók þarna í dag, sjómannasunnudag.




                    Starfsmenn Siglingastofnunar voru að mála gamla vitann


            Það fór ekki á milli mála hvaðan þeir voru, því bíllinn var vel merktur


         Séð yfir núverandi vita, byggðarsafnið, Hólmstein o.fl á Garðskaga í dag © myndir Emil Páll, 3. júní 2012

             9048. Gunni litli HF 44, í Sandgerði í dag © mynd Emil Páll, 3. júní 2012

                 6364. Hamingjan GK 52, í Sandgerði í dag © mynd Emil Páll, 3. júní 2012

         

             7201. Tveir Ásar HF 20, í Sandgerðishöfn í dag © myndir Emil Páll, 3. júní 2012

Frá Korpúlstöðum og þar í kring má sjá bátsflak sem er á Geldinganesi. Um er að ræða bát sem upphaflega var Bátalónsbátur er hét fyrst Hrönn KE 48 og síðan bar hann nöfnin Hrönn KE 48, Magnús Jónsson BA  35, Þórunn Jónsdóttir RE 101, Þórunn Jónsdóttir EA 205, Þórunn Gunnarsdóttir KE 207, Særós KE 207. Sif ÁR 207 og Lax III.  Undir síðasta nafninu var hann notaður sem þjónustubátur við laxeldi á sundunum við Reykjavík frá 1989, þegar laxeldið var upp á sitt besta. Slitnaði hann upp af legu í Grafarvoginum og rak upp í Geldinganesi og var tekin af skrá 1998.


     Flakið af 1152. Lax III, eins og það liggur í Geldinganesi í dag © mynd Þorgrímur Ómar Tavsen, 3. júní 2012

Hér sjáum við flutningaskip að sigla fyrir Garðskaga á leið upp á Grundartanga og því í þó nokkri fjarlægð og því birti ég líka mynd af skipinu af MarineTraffic.


          Wilson Lahn, siglir djúpt fyrir Garðskaga í dag © mynd Emil Páll, 3. júní 2012


          WILSON LAHN © MYND MarineTraffic. Magnar Lyngstad 24. APRÍL 2012