Í dag fór fram sjósetning á Bergi Vigfús GK 43 sem var yfirbyggður hjá Sólplasti í Sandgerði á innan við hálfum mánuði, raunar aðeins á 9 vinnudögum. Ég hef fylgst með gangi málsins frá upphafi og birt hér á síðunni og nú kemur myndasyrpa þar sem á 23 myndum sést frá því að báturinn var dreginn á Gullvagni Skipasmíðastöðvar Njarðvíkur út úr húsi Sólplasts og niður að sjó og síðan sést er hann flaut og fór yfir á aðra bryggju. Einnig birti ég eina mynd af afmælisbarni dagsins sem var sjálfur Stjáni hjá Sólplasti.

Þessu til viðbótar er hér tengill á myndband sem Smári Valtýr Snæbjörnsson tók er verið var að sjósetja bátinn: http://www.youtube.com/watch?v=2oPAW89CG5w








             2746. Bergur Vigfús GK 43, dreginn út úr húsi Sólplasts á Gullvagninum


                   2746. Bergur Vigfús GK 43, á leið niður að hafnarvog


                                           Báturinn á Hafnavoginni í Sandgerði
















                           Bakkað niður sjósetningabrautina og losað um bátinn


















               2746. Bergur Vigfús GK 43, kominn í sjó, bakkar frá landi og siglir yfir höfnina og legst að hafnargarðinum í Sandgerði


             Svo skemmtilega vildi til að Kristján Nielsen í Sólplasti átti afmæli þennan dag og því var auðvitað komið með afmælistertu © myndir Emil Páll, 14. júní 2012

                   1579. Gnúpur GK 11 © mynd shipspotting, Birkir Agnarsson, í júní 2009

sk.siglo.is

Skemmtiferðaskipið M/S Caledonian Sky kom til Siglufjarðar á þriðjudagskvöldið. Um borð eru rúmlega 100 farþegar og 73 í áhöfn.

Um kvöldið þegar skipið kom fengu farþegar að heyra íslenskar rímur og kveðskap frá kvæðamannafélagi staðarins. Í framhaldi fóru farþegar í göngutúr um miðbæinn og skoðuðu sig um.

Á miðvikudagsmorninum voru gestir leiddir um bæinn og bryggjurnar undir leiðsögn. Síldarminjasafnið var heimsótt þar sem farþegar upplifa síldarsöltun, smökkuðu á síld og brennivíni og dönsuðu á bryggjunni.

Þá eru skemmtiferðaskipin farin að koma hingað til lands á þessu sumri og hér birtist mynd af skipi sem í dag kom til Grundarfjarðar og fór aftur kl. 18.30 og á eftir birti ég myndir af öðru sem kom á þriðjudag til Siglufjarðar


                  Silver Explorer, Grundarfirði í dag © mynd Heiða Lára, 14. júní 2012

            6443. Kópur HF 29, að koma inn til Sandgerðis í dag © mynd Emil Páll, 14. júní 2012

       1762. Lilja BA 107, að koma inn til Sandgerðis í dag © mynd Emil Páll, 14. júní 2012

Það tókst að ljúka yfirbyggingunni á hálfum mánuði eins og lofað hafði verið, því báturinn var sjósetttur í dag, en eins og fram kom í gær var hann tilbúinn til sjósetningar í gær. Er tími hans því hjá Sólplasti innan við þann tíma.


Á miðnætti birti ég syrpu frá sjósetningunni í dag, en hér er vídeóupptaka sem Smári  Valtýr Sæbjörnsson tók upp og er tengillinn á hana þesssi: http://www.youtube.com/watch?v=2oPAW89CG5w


          2746. Bergur Vigfús GK 43, eftir sjósetningu í Sandgerðishöfn í dag © mynd Emil Páll, 14. júní 2012

- Fleiri myndir á miðnætti og svo er það vídeóið frá Smára sem tengill er á hér fyrir ofan -

Eins og áður hefur komið fram hér á síðunni sótti Knörrinn, Sölku GK til Njarðvíkur á dögunum og dró til Húsavíkur þar sem gera á bátinn upp á vegum Norðursiglingar.


          1438. Salka GK 79, við bryggju á Húsavík © mynd á FB síðu SN frá 12. júní 2012

Gísli Matthías Gíslason, sendi mér þessa mynd og þennan texta með henni: Við viljum lengri sjómannadagshelgi.. stendur á mótmæla skiltinu.. sem þeir á Álsey ve voru með á mótmælunum á Austurvelli um daginn... bara fyndið hjá þeim kv gilli


                           2772. Álsey VE 2 © mynd Gisli Matthías Gíslason