© mynd Jón Halldórsson, holmavik.123.is 19. júní 2010

TF-GNÁ sækir sjúkling um borð í rússneska togarann Aleksey Anichkin

20.6.2010

Sunnudagur 20. júní 2010

Þyrla Landhelgisgæslunnar var kölluð út um hádegi í dag vegna skipverja með hugsanlega nýrnasteina um borð í rússneska verksmiðjutogaranum Aleksey Anichkin sem staddur var um 25 sjómílur vestur af Reykjanesi.

TF-GNÁ fór í loftið kl. 12:30. Þegar komið var að togaranum sigu sigmaður og læknir niður í skipið, var sjúklingur síðan hífður upp í þyrluna á börum. Lagt var af stað frá skipinu kl.13:20 og haldið beint á Landspítalann í Fossvogi þar sem lent var kl. 13:40.

©Ljósmynd af Aleksey Anichkin Markús K Valsson 2009

Á undanförnum áratug og jafnvel lengur hafa þó nokkuð margir íslendingar átt hlut í skútum eða skemmtibátum á erlendri grundu. Eru bátar þessir ýmist skráðir hérlendis eða erlendis og oftast staðsettur á Mallorka eða í Króatíu. Algengt er að allt upp í 8 einstaklingar eigi bátinn og skiptist á að vera í honum yfir sumartímann og nota eins og sumarbústað og fara á milli staða, eða liggja við akkeri á einhverjum skemmtilegum stað. Hér er ekki átt við úrrásarvíkingana frægu, heldur meðaljóninn, menn úr nánast öllum geirum þjóðfélagsins.
Einn þessara manna er t.d. Valberg Helgason, sá sami og kemur fyrir í færslunni um síðustu sjóferð Ásmunds hér fyrir neðan. Hefur Valberg átt í fjórum bátum erlendis og sýni ég nú mynd af tveimur þeirra, annars vegar skútunni Uglu sem skráð er hérlendis og síðan skemmtisnekkjunni Perlu sem skráð er í Þýskalandi, en Valberg á ekki hlut í þeim núna, heldur hefur hann keypt sér inn í aðra sem síðar verður sagt frá.


                                                        1754.  Ugla


                                          Perla © myndir Valberg Helgason

Þessi mynd er tekin í mikilli fjarlægð og því sést skipið ekki vel, þar sem það var of langt til að myndavélin mín næði því greinilega. Þó má sjá fyrir þá sem þekkja hvaða skip hér er á ferð, en myndin var tekin sl. föstudag og var skipið á leið frá Hafnarfirði og fyrir Garðskaga.

                       Þekkið þið þennan? © mynd Emil Páll, 18. júní 2010

Þessar myndir tók ég í morgun af þýskri skútu í Keflavíkurhöfn, en hún fór þaðan aftur núna í hádeginu. Skútan var með heimahöfn í Burgtiefe.




                       Seelord, í Keflavíkurhöfn © myndir Emil Páll, 20. júní 2010