Færslur: 2010 Júní

14.06.2010 17:09

Magnús Bergmann og skipverjar

Þá er farið að nálgast seinni hlutann af hinum stórskemmtilegu myndum úr búi Magnúsar Bergmanns sem í eina tíð var skipstjóri á ýmsum bátum s.s. Kópi KE, Jóni Guðmundssyni, Helguvík, Bergvík og Hamravík o.fl. bátum, en myndirnar hefur sonur hans Gylfi Bergmann komið til birtingar hér. Í þessari lotu koma þrjár myndir af skipverjum og á einni þeirri er mynd af Magnúsi sjálfum, en eins og margi vita var hann kenndur við Fuglavík á Miðnesi.


                                               Friðbjörn og Ólafur Ólafss.




   Magnús Bergmann skipsjóri þessi í opnu peysunni lengst til vinstri, ásamt skipverjum hjá sér © myndir í eigu Gylfa Bergmann

14.06.2010 16:10

Seefalke og Týr á Stakksfirði


    Þýska skipið Seefalke og varðskipið Týr á Stakksfirði í morgun © mynd Emil Páll, 14. júní 2010

14.06.2010 16:05

Seefalke fylgist með loftrýmiseftirlitinu

Þýska skipið Seefalke sem hefur verið mikið á Stakksfirði undanfarna daga er hluti af loftrýmiseftirliti þjóðverja þessa dagana. Raunar hófst verkefnið með því að flutningaskip losaði þýsk hergögn í Helguvík og síðan um leið og orustuþoturnar komu til Keflavíkurflugvallar kom þýska skipið hingað til lands. Er það eins og gerðist þegar danir sáu um eftirlitið, þá var danskt skip á Stakksfirði allan tímann.




         Þýska skipið Seefalke á Stakksfirði í dag © myndir Emil Páll, 14. júní 2010

14.06.2010 13:01

Á síldveiðum

Hér koma myndir sem teknar eru á síldveiðum m.a. á mb. Jóni Guðmundssyni KE 5 fyrr á árum










                                     © myndir í eigu Gylfa Bergmann

14.06.2010 12:56

Njáll RE 275

Hér birtast þrjár myndir af því er Njáll RE 275 kom í morgun að slippbryggjunni í Njarðvik og eins þegar hann var á leið upp slippinn í sleðanum.


                 1575. Njáll RE 275, nálgast slippbryggjuna í Njarðvík í morgun


                                    Hér kemur hann að slippbryggjunni ...


     ... og hér er sleðinn á leiðinni með bátinn upp slippinn © myndir Emil Páll, 14. júní 2010

14.06.2010 12:50

Þórhalla HF 144 á síðasta veiðidegi mánaðarins

Fremur fáir af a.m.k. minni bátunum er róa út frá Keflavík/Njarðvík eru á sjó í dag. Þó róa þeir alhörðustu, enda spáðu vitringarnir á Fiskistofu ekki í veður þegar þeir ákváðu að dagurinn í dag yrði síðasti veiðidagur strandveiðibátanna á þessu veiðisvæði í júnímánuði og hér sjáum við er einn af þeim kemur í land, en hér birti ég smá myndasyrpu af honum og nota hann síðan sem efni í aðra myndasyrpu er kemur síðar í dag.










    6771. Þórhalla HF 144, kemur inn til Keflavíkur rétt fyrir hádegi í dag © myndir Emil Páll, 14. júní 2010

14.06.2010 08:44

Í jómfrúarferð til Reykjavíkur

Af vef Faxaflóahafna:

 
Seabourn Sojourn leggst að Skarfabakka 

Skemmtiferðaskipið Seabourn Sojourn kom til Reykjavikur, 11. júni sl, en þetta var jómfrúarferð skipsins. Seabourn Sojourn var smiðað á Ítalíu og skipinu var gefið nafn í Southampton, Englandi á laugardag fyrir rúmri viku, en ofurfyrirsætan Twiggy var guðmóðirin.

Jómfrúarferðin hófst í Southampton en þaðan var haldið til Invergordon í Skotlandi og svo var Þórshöfn í færeyjum heimsótt.

Reykjavik var því þriðja höfn skipsins í ferðinni en héðan var haldið áleiðis til Vestmannaeyja.

Seabourn Sojourn er flokkuð sem snekkja og samkvæmt Cruise Guide Berlitz er skipið flokkað sem 5 stjörnu hótel. Allar káetur eru með svölum og mikill íburður í innréttingum og verðlag er því fremur í hærri kantinum. Samtals geta 450 farþegar ferðast með skipinu sem er 32.000 brúttólestir að stærð.

14.06.2010 08:26

Tveir óþekktir - þekkið þið þá?

Hér koma tvær myndir af bátum sem ég kem ekki fyrir mér hverjir eru og því væri gaman ef einhver þarna úti vissi eitthvað um þá.




                       Þekkið þið þessa?   © myndir í eigu Gylfa Bergmann

14.06.2010 08:18

Stígandi VE 277

Þessi var til frá þriðja áratug síðustu aldar og fram á þann áttunda.


                      796. Stígandi VE 277 © mynd í eigu Gylfa Bergmann


              796. Stígandi HU 9 © mynd í eigu Emils Páls

Smíðaður í Friðrikssund, Danmörku 1928.  Talinn ónýtur og tekinn af skrá 1974.

Árið 1940 var hann á síldveiðum út frá Sandgerði sem tvílembingur við Þráinn NK 70.

Nöfn: Stígandi VE 277, Stígandi RE 277. Stígandi EA 742, Stígandi SI 52, Stígandi HU 9 og Stígandi ÍS 217

14.06.2010 08:10

Sigurvon ÍS 83

Þessi var smíðaður rétt eftir aldarmótin næst síðustu og var til fram undir miðja síðustu öld.


                              Sigurvon ÍS 83 © mynd í eigu Gylfa Bergmann

Smíðaður á Ísafirði 1903. Talinn ónýtur og rifinn 1943.

Bar aðeins þetta eina nafn.

14.06.2010 08:07

Kári GK 137

Í gærmorgun var fjallað um þennan sama bát í máli og myndum, en þá urðu þessar myndir viðskilja og bæti ég þeim því við núna




                              908, Kári GK 137 © myndir í eigu Gylfa Bergmann

14.06.2010 08:04

Skipstjóri harðlega ávítaður

Af vef Landhelgisgæslunnar:

Árla sunnudagsmorguns, kl. 05:25 hvarf fiskibátur sem staddur var 5 sml S-af Kolbeinsey úr fjareftirliti Landhelgisgæslunnar. Þrátt fyrir ítrekaðar tilraunir varðstjóra náðist ekki samband við bátinn. Varðskip Landhelgisgæslunnar var þá beðið um að stefna á staðinn auk þess sem Björgvin, björgunarskip Slysavarnarfélagsins Landsbjargar á Siglufirði var kallað út.

Boð bárust að nýju frá bátnum kl. 05:57 með staðsetningu hans. Voru þá aðstoðarbeiðnir afturkallaðar. Skipstjóri bátsins hringdi í Landhelgisgæsluna rúmum 2 klst síðar eða kl. 08:15. Var hann þá harðlega ávítaður. Taldi hann sig vera vel tækum búinn en mannlegi þátturinn hafði farið úrskeiðis hjá honum.

Landhelgisgæslan hvetur sjómenn til að fylgjast með ferilvöktunarbúnaði sínum svo viðbragðsaðila þurfi ekki að kalla út að óþörfu eins og fjöldamörg dæmi eru um að undanförnu.

14.06.2010 00:00

Keflvíkingur GK 400

Ekki er mjög langt síðan að mikil myndasyrpa var birt um þennan bát hér á síðunni, er Snorri Birgisson sendi mér myndir úr dánabúi afa síns og ömmu. Endurbirti ég nokkrar myndir úr þeirri syrpu


                            Keflvíkingur GK 400 © mynd í eigu Gylfa Bergmann


   Keflvíkingur GK 400 © mynd af google, ljósm.: ókunnur


    Keflvíkingur GK 400 © mynd af google, ljósm.: ókunnur


                         Keflvíkingur GK 400 © mynd í eigu Snorra Birgissonar


       Keflvíkingur GK 400 © mynd í eigu Snorra Birgissonar


                    Keflvíkingur GK 400 © mynd í eigu Snorra Birgissonar

Smíðaður í skipasmíðastöð Péturs Wigelunds, Innri-Njarðvík 1940, eftir teikningu Péturs sem jafnframt sá um smíði bátsins.

Hljóp af stokkum 28. febrúar 1940. Var á þeim tíma talið stærsta tréskipið sem smíðað hafði verið á Suðurnesjum

Fyrsta íslenska skipið sem notaði gúmíbjörgunarbát, en það geðist er báturinn sökk 1951.

Brann og sökk um 80 sm. NV af Garðskaga 16. júlí 1951.

Nöfn: Keflvíkingur GK 400 og Keflvíkingur KE 44.

13.06.2010 22:35

Hilmir KE 7

Enn er það Svíþjóðarbátur, sem fluttur var inn nokkrum árum eftir að smíðum lauk. Þessi var smíðaður 1943 en kom hingað til lands 1946 og lauk ferli sínum með því að kveikt var í honum í Njarðvík 1964.


           Hilmir KE 7 © mynd í eigu Gylfa Bergmann

Smíðaður í Svíþjóð 1943. Innfluttur 1946.  Brenndur í Njarðvík í apríl 1964.

Nöfn: Óþekkt það sem var í Svíþjóð, Hilmir GK 498, Hilmir KE 7 og Hafþór Guðjónsson VE 265

13.06.2010 22:00

Dvergur SI 53 / Jón Guðmundsson KE 5

Hér kemur enn einn Svíþjóðarbáturinn, frá 1942, en þó ekki fluttur hingað til lands fyrr en 1945 og var til í 30 ár.


                            Dvergur SI 53 © mynd í eigu Emils Páls




    Jón Guðmundsson KE 5 og aftan við hann sjást Jón Finnsson GK 505 og Guðfinnur KE 32 © myndir í eigu Gylfa Bergmann

Smíðaður í Djupvik, Svíþjóð 1942 og innfluttur 1945. Endurbyggður 1960-1961. Brann 26. mars 1975 út af Þorlákshöfn.

Nöfn: Að fyrsta í Svíþjóð er ekki vitað hvað var, Dvergur SI 53, Jón Guðmundsson GK 517, Jón Guðmundsson KE 5, Fiskaskagi AK 47, Hellisey RE 47, og Sæfari RE 77.