1326. Stálvík SI 1,  smíðaður í Garðabæ 1973 © mynd Þór Jónsson

              1508. Björg Jónsdóttir ÞH 321, smíðaður á Akureyri 1978 © mynd Þór Jónsson

             1629. Eyvindur vopni NS 70, smíðaður á Seyðisfirði 1983 © mynd Þór Jónsson

Hafnfirska skipið Que Sera Sera HF 26, er enn á strandstað við Morocco og samkvæmt fréttum frá því í fyrradag er þetta flatbotna skip farið að grafast niður í sandinn. Eins og áður hefur komið fram hér á síðunni gerði annað Hafnfirskt skip Carpe Diem HF 32 tilraunir til að draga skipið út, en þær hafa ekki tekist.




                                2724, QUE SERA SERA á strandstað við Morocco

Jæja þá kom að því, nú birti ég fjórar síðustu myndirnar sem Svafar Gestsson tók í Morocco og þar með er komið a.m.k. hlé á þessar myndir hans sem teknar voru á ferðum sjómanns til framandi landa og landa nær okkur og voru oft á tíðum ansi fræðandi. Hvort fleiri myndir komi síðar frá störfum sjómanna erlendis, mun tíminn einn leiða í ljós.


                                                             Varðmannsfíflið


                                                       Verið að dæla


                              Svafar ræðir við yfirvélstjórann á Que Sera Sera


                   Valdimar vélstjóri Svafars  © myndir Svafar Gestsson

Hér koma myndir af þremur togurum sem allir eiga það sameiginlegt að vera smíðaðir á Íslandi og að myndasmiður af myndunum sé Þór Jónsson.


               1476. Björgúlfur EA 312, smíðaður á Akureyri 1977 © mynd Þór Jónsson


              1506. Heiðrún ÍS 4, smíðaður á Ísafirði 1977 © mynd Þór Jónsson


     1578. Ottó N. Þorláksson RE 203, smíðaður í Garðabæ 1981 © mynd Þór Jónsson

Eins og fram kemur hér neðar á síðunni mun Þór Jónsson sem býr á Djúpavogi, senda myndir til birtinga hér á síðunni. Það gerir hann auðvitað þó ekki nema þegar hann er í landi, en hann er á Ljósafelli, frá Fáskrúðsfirði. Þór var m.a. á Sunnutindi í á þrettánda ár og á yfir miklu myndasafni að ráða og hlakka ég því til samstarfsins. Þær myndir sem hann sendi núna og birtust í dag og birtast næstu daga eru af þeim togurum sem smíðaðir eru hérlendis, en síðan mun hann fara víða, bæði um báta- og togaraflóruna. Hér birtist mynd sem hann tók af Ljósafelli í heimahöfn sinni Fáskrúðsfirði, en eins og menn vita þá er það skip byggt í Japan 1973 og hefur verið allan tímann sem Ljósafell og á Fáskrúðsfirði.


                     1277. Ljósafell SU 70, á Fáskrúðsfirði © mynd Þór Jónsson

Hér koma fjórar myndir af sama bátnum, en hann hefur borið 6 nöfn hérlendis og erlendis og því vantar myndir af tveimur nafnana sem eru Hafsteinn GK 107 og Hafsteinn RE 133.


                            21. Auðunn GK 27 © mynd Snorri Snorrason


                          21. Mummi GK 120 © mynd Tryggvi Sig.


                      21. Atlanúpur ÞH 263 © mynd Skipamyndir, Trausti Ólafsson


                               Brudanes © mynd Shipspotting, Sydney Sinclair

Smíðanr. 8 hjá Brattvaag Johnsens Skipverft A/S, Brattvaag, Noregi 1959. Lengdur 1966. Seldur til Noregs í ágúst 1990. Eftir að báturinn komst í norska eign var honum breytt í tankara (Brunnbát) hjá Bugeverk. Endurbyggður hjá Flatsetsund Engineering í Frei í Noregi 2001.

Nöfn: Auðunn GK 27, Hafsteinn GK 107, Hafsteinn RE 133, Mummi GK 120, Atlanúpur ÞH 263 og núverandi nafn: Brudanes

Þór Jónsson hefur sent mér myndapakka með togurum sem smíðaðir eru á Íslandi og birti ég nú myndir af fjórum þeirra sem hann hefur tekið. Myndirnar eru þó ekki allar af fyrstu nöfnum viðkomandi skips.
Sendi ég honum bestu þakkir fyrir myndirnar.


                                  1459. Breki VE 61 © mynd Þór Jónsson


                        1576. Kolbeinsey ÞH 10 © mynd Þór Jónsson


                                 1645. Hafnarey SU 110 © mynd Þór Jónsson


                              1634. Hólmadrangur ST 70 © mynd Þór Jónsson

Hér sjáum við bát sem oft hefur komið fram á skipasíðunum undir ýmsum nöfnum. En allt um það hér fyrir neðan.


                               630. Faxavík KE 65 © mynd í eigu Emils Páls

Smíðaður hjá N.V. Scheepsbow werdt í Strandby, Danmörku 1955, eftir teikningu Egils Þorfinnssonar. Talinn ónýtur 1968, en settur aftur á skrá 1970, eftir að endurbyggingu lauk hjá Skipasmíðastöð Njarðvíkur hf. Teikning af endurbyggingunni var eftir Bjarna Einarsson. Var að lokum brotinn niður í Akureyrarslipp 19, desember 2008. Hafði verið tekin af skrá 9. nóv. 2002, enda óskoðaður síðan 1995.

Nöfn: Kap VE 272, Kap SH 272, Kap RE 2111, Faxavík KE 65, Sæbjörg KE 93, Lýður Valgeir SH 40, Haförn SH 40, Guðrún Ottósdóttir ST 5, Jón Trausti ST 5, Jón Trausti ÍS 78, Jón Trausti ÍS 789 og Sægreifinn EA 159.

Hér koma tveir bátar sem gerðir voru út af sama útgerðarfélaginu í nokkur ár.


                                  Faxavík KE 65 © mynd í eigu Emils Páls

Smíðaður í Djupvik, Svíþjóð 1933. Dæmdur ónýtur vegna fúa 1962.

Nöfn: Res, Rex RE 9, Nanna RE 9, aftur Rex RE 9 og Faxavík KE 65.


                        Helguvík KE 75 © mynd Snorrason

Smíaður í Knipple, Svíþjóð 1944. Dæmd ónýt v/fúa 17. maí 1963,

Svonefndur blöðrubátur, en það voru bátar kallaðir sem voru beiðir, botnmiklir og með boginn fram og afturenda. Þá kom næstum aldrei sjór inn á dekk á blöðrubátum.

Nöfn:(sænska nafnið óþekkt) Eggert Ólafsson GK 385, Eggert Ólafsson RE ???, Sæfari KE 52 og Helguvík KE 75.

Þó íslendingar hafi ekki getað notað þetta skip, er það enn í gangi og nú sem brunnbátur í Noregi.


                             82. Hamravík KE 75 © mynd í eigu Emils Páls

Saga bátsins hefur áður verið sögð og því bíð ég með það, þar til myndasería um bátinn verður birt nú á næstunni.

Hér er það einn af þeim örfáu bátum sem var til í rúma þrjá áratugi og bar alltaf sama nafnið og var þar að auki alltaf í eigu sömu aðila.


                                43. Elliði GK 445 © mynd Snorrason

Smíðanúmer 357 hjá Gravdal Skipbsbyggeri A/S í Sunde, Noregi 1963.

Báturinn hafði legið nánast ónýtur við bryggju í Njarðvík frá því að eldur kom upp í honum þar 12. júlí 1991. Var þó ekki afskráður fyrr en 1. apríl 1996, en þá hafði hann ekki verið skoðaður af Siglingamálastofnun í sex ár. Fjarlægður þaðan 26. maí 1999 og síðan tekinn upp í slipp í Hafnarfirði og bútaður þar niður.

Þetta glæsilega fiskiskip fékk því miður fremur fáa lífdaga, því það strandaði og sökk við Noreg og gerðar voru margar tilraunir til að ná því upp, án þess að það tækist.


        2413. Guðrún Gísladóttir KE 15 © mynd Snorrason

Fyrsta flottrollskipið sem Kínverjar sömdu um smíði á samkvæmt vestrænum kröfum og var dýrasta og eitt glæsilegasta og fjölþættasta fiskiskip íslendinga á þeim tíma. Hönnuðir voru Skipatækni hf.

Smíðanr. FV1 hjá Limac/Huangpu í Dallan í Kína, árið 2001. Áætlað hafði verið að afhenda skipið 1. nóvember 1999. Því var hins vegar ekki gefið nafn fyrr en 1. nóv. 2000 og kom það í hlut Steinunnar Friðjónsdóttur, eiginkonu Árna M. Mathiesen, sjávarútvegsráðherra. Skipið var síðan afhent í júní 2001 og kom til heimahafnar í Keflavík mánudagskvöldið 24. nóvember 2001 eftir 37 sólarhringa siglingur frá Kína.

Skipið var í sinni 7. veiðiferð er það strandaði í sundinu Nappstaumen við Lófóteyjar í Norður-Noregi 10. júní 2002. Rann það út af skerinu aðfaranótt 19. júní og sökk á 40 metra dýpi. Var það selt á strandstað Íshúsi Njarðvikur í byrjun október 2002, sem ætlaði að ná skipinu af hafsbotni. Tók Haukur Guðmundsson framkvæmdastjóri Íshússins, á leigu Stakkanes ÍS ex Gígju RE til að nota við björgunina. Yfirtóku Norðmenn björgunartilraunirnar 2003 og gáfust upp 27. maí 2004.

Skipið bar því aðeins þetta eina nafn:

Þegar gamla Drangur var til sölu töldu menn gott að gera úr honum fiskiskip og gerðu það, en annað átti eftir að koma í ljós og því var útgerð hans sem fiskiskip ekki löng. Allt um það fyrir neðan myndina


                           38. Happasæll KE 94 © mynd Snorrason

Smíðaður sem farþegaskip í Florö í Noregi 1959 og selt til Keflavíkur 1982 þar sem honum var breytt það ár í fiskiskip. Kom skipið til Keflavíkur 14. ágúst 1982. Úreltur í maí 1986 og sökkt 70 sm. SV af Reykjanesi 18. júlí 1986.

Nöfn: Drangur og Happasæll KE 94.