7720. Brana HF 24, í Grófinni, Keflavík © mynd Emil Páll, 11. júlí 2013

           2824. Dengsi ÍS 17 o.fl. á Norðurfirði á Ströndum © mynd Sigurður Bergþórsson, í júlí 2013

Í dag fór ég og Friðrik Friðriksson í hvalaskoðun með Moby Dick. Farið var frá Keflavík og komið þangað aftur þremur tímum síðar. Siglt var út fyrir Garðskaga og snúið þar við og siglt aftur til Keflavíkur. Á þessari siglingu sáum við hrefnur á a.m.k. þremur svæðum og var oft á tíðum ansi skemmtileg sjón.

Auk vélstjóra og skipstjóra var þarna sérstakur leiðsögumaður svo og vísindamaður í hvalafræðum, sem kemur frá þekkingarsetrinu á Garðskaga.  Tókum við Friðrik aragrúa að myndum og hef  ég t.d. birt í kvöld nokkrar myndir sem teknar voru í ferðinni af makrílveiðiskipum, flutningaskipi og fleiri skipum sem urðu á vegi okkar og eitthvað birtist einnig á morgun. Þá tók ég auðvitað myndir af ýmsum stöðum í Keflavík, Hólmsbergi, Helguvík, Leirunni og Garðinum, en þær koma síðar inn.

Birti ég smá myndasyrpu úr ferðinni, hér með um leið og ég ráðlegg þeim sem hafa áhuga að skreppa í ferð með Moby Dick að láta verða af því, því það er svo sannarlega þess virði.

Farþegar  o.fl. skima út á hafflötinn til að athuga hvort einhverjir hvalir séu í sjónmáli

             Helguvík framundan, en þar framan við var fyrsta svæðið þar sem við sáum hrefnur

            Hólmsbergsviti á Hólmsbergi, sjóvarnargarðurinn framan við Helguvík og kletturinn Stakkur

                                 Vélstjórinn bendir á hrefnur, ég og skipstjórinn horfum á

            Friðrik Friðriksson, var ljósmyndari með mér í ferðinni og hér sjáum við m.a. fjallið Keilir í baksýn

                                  Þarna sjáum við hrefnu koma upp undir yfirborðið

                           Hér höfum við fært okkur um set og menn spá í spilin

              Það er ekki bara staðið á hvalbaknum til að leita af dýrum, það er líka staðið uppi á stýrishúsinu og víðar

              Menn orðnir sáttir og halda heim á leið og hér sjáum við Garðinn í baksýn

                                        Vísindamaðurinn og skipstjórinn ræða saman

                   Hér sjáum við hina hliðina á Hólmsbergsvita á Hólmsbergi, sjóvarnargarðinum við Helguvík og klettinn Stakk

                    Aalborg Sement og fiskimjölsverksmiðjan í Helguvík

                         Loðnubræðslan (gúanóið) og sementsfyrirtækið í Helguvík

         © myndir Emil Páll og Friðrik Friðriksson, í dag 11. júlí 2013