1316. Tjaldanes ÍS 522, við bryggju í Sandgerði og aftan við hann sést í 1294. Sæljóma GK 150 © mynd Emil Páll 1983

Smíðanr. 415 hjá Bátalóni hf. í Hafnarfirði 1973. Lagt í Njarðvík 1990. Fargað 11. júní 1992.

Nöfn: Hergilsey NK 38, Sæfinnur GK 122, Tjaldanes ÍS 522 og Bjarnveig RE 98.

                      1037. Dagfari ÞH 70, að koma inn til Njarðvíkur © myndir Emil Páll


Smíðanr. 443 hjá Veb. Elbewerft, Boizenburg, Þýskalandi 1967, eitt af 18 systurskipum eftir teikningu Hjálmars R. Bárðarssonar, Lengdur og yfirbyggður 1977. Endurbyggður í Stálvík hf. Garðabæ 1978 - 1979, eftir bruna út af Vestfjörðum í okt 1978. Stytting 1995. Seldur í pottinn 2005.

Nöfn: Dagfari ÞH 70, Dagfari GK 70 og  Stokksey ÁR 40

                         1125. Eldeyjar Hjalti GK 42, að koma inn til Njarðvíkur




                             1125. Eldeyrjar Hjalti GK 42, við bryggju í Njarðvikurhöfn


              1125. Gerður ÞH 110, í Njarðvíkurslipp í síðustu viku og þarna er búið að reysa stiga við bátinn  © myndir Emil Páll

Smíðanúmer 11 hjá Einari S. Nielssen Mek. Verksted A/S, Harstad, Noregi 1968. Innfluttur 1970. Yfirbyggður 1996.

Vélin hrundi í skipinu á vetrarvertíð 2003 og var það þá sett upp í Njarðvíkurslipp, þar sem það hefur verið síðan. Um sumarið 2003 var skipið selt óþekktum aðila, sem átti það í fáar vikur, áður en þeirri sölu var rift. Þá var skipið selt úr landi til Rússlands í júlí 2004, en er þó enn í slippnum, en hvað er framundan veit ég ekki en sé að menn voru eitthvað að gera þar um borð í síðustu viku.

Nöfn: Palomar T-22-SA (í Noregi), Kristján Guðmundsson ÍS 77, Vöttur SU 3, Eldeyjar-Hjalti GK 42, Bergvík KE 65, Melavík SF 34 og Gerður ÞH 110

                    974. Skógey SF 53 og sá rauði litli er 913. Yngvi GK 21


                 974. Skógey SF 53, í Skipasmíðastöð Njarðvikur © myndir Emil Páll

913.

Smíðaður á Akranesi 1961. Hann sökk skammt frá Gróttu 28.feb. 1988. Mannbjörg.

Nöfn: Yngvi AK 36, Yngvi GK 21, Yngvi ÍS 89, Ella SH 145, Framfari SU 67, Víðir SI 5, Víðir KE 101 og Víðir SH 301

974.

Smíðanúmer 410 hjá Elbe Werdt Gmbh, Boizenburg, Þýskalandi 1965, eftir teikningu Hjálmars R. Bárðarsonar, Yfirbyggður hjá Skipasmíðastöð Njarðvíkur hf., 1988. Eftir að allt rafmagn skipsins skemmdist i eldi í Sandgerðishöfn í júlí 1995, var ákveðið að úrelda skipið. Var því siglt frá Sandgerði áleiðis til Spánar á bilinu 15. til 20. apríl 1996 af Grétari Mar Jónssyni.

Raunar átti í upphafi að afhenda skipið í Englandi, en kaupandinn lét ekki sjá sig og var því ákveðið að leggja skipinu þar og áhöfnin færi heim með flugi, en kvöldið áður kom maður, sem keypti skipið óvænt og sá var Spánverji, sem skráði skipið síðan í Englandi. Var skipið afskráð úr íslenskum skipastóli 3. maí 1996.

Gekk undir nafninu Austur-Þýski öldungurinn, því hann var lengi vel eini af 18 systurskipum sem ekki höfðu verið farið í gegn um veigamiklar breytingar, ss. stækkun og lengi vel yfirbyggingu. Af þessum hópi systurskipa er talið að 75-90% hafi haft einhverja viðdvöl í fiskiskipaflota Suðurnesjamanna.

Nöfn: Gullver NS 12, Gullberg NS 11, Akurey II SF 53, Skógey SF 53, Bergur Vigfús GK 53 og Bergur FD 400.

                    971. Eldeyjar - Boði GK 24, í Njarðvik, fyrir breytingar © mynd Emil Páll

Smíðanúmer 407 hjá V.E.B. Elbe-Werdt G.m.b.H, Boizenburg, Þýskalandi 1965, eftir teikningu Hjálmars R. Bárðarsonar. Yfirbyggður Noregi  1986.

Stakksvík hf., Keflavík var með skipið á leigu frá því að Íslenskir aðalverktakar eignuðust skipið og þar til leigusamningurinn rann út 4. jan. 1995.

Úreldingastyrkur samþ. 12. jan. 1995, en ekki notaður.

Báturinn hefur legið i höfn í Njarðvik nú í þó nokkurn tíma og á síðasta ári var rætt um að búið væri að selja hann erlendis, en ekkert varð úr því og enn liggur hann í Njarðvíkurhöfn, en var þó nýlega seldur aðila á Ísafirði.

Nöfn: Guðrún Guðleifsdóttir ÍS 102, Guðrún Guðleifsdóttir ÍS 364,  Boði KE 132, Boði GK 24,  Eldeyjar-Boði GK 24, Aðalvík KE 95, Sævík GK 257, Valur ÍS 82, Guðrún Guðleifsdóttir ÍS 25 og núverandi nafn: Fram ÍS 25.

              733. Reynir GK 47, í Njarðvíkurhöfn © myndir Emil Páll, sennilega 1982 eða 83

Smíðaður hjá N. Chr. Hjörnet & Sön, Strandby, Danmörku 1958. Stórviðgerða og breytingar hjá Dráttarbraut Keflavíkur hf. 1982. Endaði lífdags sína með því að vera kurlaður niður í Skipasmíðastöð Njarðvíkur  2010  eftir að hafa verið notaður sem Breki í kvikmyndinni Djúpið. Þar sem búið var að fjarlægja öll spilliefni úr bátnum enda var honum sökkt nokkrum sinnum í Helguvík meðan kvikmyndatökur stóðu yfir, var sótt um að fá að sökkva honum við Álfsnes og nota fyrir kafara, en leyfi fékkst ekki og því fór sem fór.

Nöfn: Reynir VE 15, Reynir ÁR 18, Reynir GK 47, Siggi Magg GK 355, Reynir GK 355, Stormur - Breki og sem Breki VE 503 í leikarahlutverkinu.

 

             826. Sædís RE 63, 72. Grótta RE 128, 1061. Eldey KE 37, o.fl.  í Reykjavíkurhöfn  © mynd í eigu Ljósmyndasafns Reykjavíkur, ljósm.: Óli Páll Kristjánsson, 1965.

Nú um kl. 22 í kvöld kom hinn landsfrægi sjónvarpsmaður, skemmtikrafur og umhverfissinni, Ómar Ragnarsson með bát sinn Örkina - The, ark til viðgerðar hjá Sólplasti í Sandgerði. Bátur þessi er ekki síður frægur en eigandi hans, þar sem hann hefur notað hann við ýmsar myndatökur m.a. á hálendi landsins.

Við þetta tækifæri tók ég þessar myndir, en auk bátsins sjáum við m.a. Ómar Ragnarsson, Kristján Nielsen og Sigurborgu Andrésdóttur hjá Sólplasti og dóttir þeirra Ástrós Sóley Kristjánsdóttir


                         Örkin  - The Ark komin á athafnarsvæði Sólplasts nú í kvöld




                  Ómar Ragnarsson, Kristján Nielsen og Ástrós Sóley Kristjánsdóttir



                                    Ómar, Ástrós Sóley og Sigurborg við bátinn








                Lengst til vinsri sést aðeins í Ástrósu Sóley Kristjánsdóttur, þá er það Kristján Nielsen, Ómar Ragnarsson og Sigurborg Andrésdóttir, um kl. 22 í kvöld © myndir Emil Páll, 22. júlí 2013

                 Alma, í Vestmannaeyjum © mynd Halldór Guðmundsson, 20. júlí 2013

Vegna bilunar hjá 123.is kom þessi mynd ekki með myndunum frá Norðfirði í kvöld, en nú virðist allt vera komið í lag og því birtist hún nú.

2287. Bjarni Ólafsson AK 70, á Norðfirði um áttaleitið í kvöld © mynd Bjarni Guðmundsson, 22. júlí 2013

© mynd Halldór Guðmundsson, í Vestmannaeyjum, 20. júlí 2013

Pioneer Bay, í Vestmannaeyjum © mynd Halldór Guðmundsson, 21. júlí 2013

Bjarni Guðmundsson, Neskaupstað: Green Magic bíður eftir bryggjuplássi á að lesta frosið á Afiríku svo er Bjarni Ólafss AK á útleið núna um áttaleitið


                                                            Green Magic


                                                Green Magic og 2287. Bjarni Ólafsson AK 70

              Vegna bilunarástands hjá 123.is kemst mynd af Bjarna Ólafssyni, ekki inn.
                                    © myndir Bjarni Guðmundsson, 22. júlí 2013

          7176. Friðrik Jesson VE 177, 2394. Birta Dís GK 135 o.fl. í Vestmannaeyjum © mynd Halldór Guðmundsson, 20. júlí 2013

2758. Dala - Rafn VE 508, í Vestmannaeyjum © mynd Halldór Guðmundsson, 20. júlí 2013