Svona mynd er ekki hægt að taka í dag, því þessa bryggju er búið að rífa og byggja í staðinn fjölbýlishús. Hér er að sjálfsögðu um Hafnarfjörð að ræða, en skipin eru bæði til ennþá, togarinn undir öðru nafni, en lóðsbáturinn heldur enn sama nafninu

1308. Júní GK 345, í dag Venus HF 519 og 370. Þróttur við Norðurgarðinn í Hafnarfirði, sem búið er að fjarlægja í dag og byggja þess í stað fjölbýlishús © mynd Emil Páll

                    259. Stígandi RE 307 utan á 1061. Pétri Jónssyni í Reykjavíkurhöfn © mynd Emil Páll

235. Stafnes KE 130, í Keflavíkurhöfn, í græna litnum, en þann lit bar skipið meðan það hét Ásþór RE og var því fljótlega málað blátt eins og Stafnesliturinn var í raun © mynd Emil Páll

Smíðanr. 73 hjá Flekkefjord Slipp & Maskinfabeikk A/S, Flekkefjord, Noregi 1963, eftir teikningu Ágústs G. Sigurðssonar.  Selt úr landi til Noregs 13. okt. 1988.  Eftir að skipið komst í norskra eigu var því breytt í tankara (brönnbat) 1988. Lengdur Noregi sennilega 2005.

Nöfn: Ásþór RE 395, Stafnes KE 130, Stafnes og Thorsland.

Í gær birti ég mynd af Ólafi Inga KE 34 svo og sögu bátsins í stuttu máli. Nú kemur enn önnur mynd af bátnum en læt sögubrotið vera.

182. Ólafur Ingi KE 34, í Njarðvíkurhöfn © mynd Emil Páll

Mynd þessi er tekin úr slippnum sem Bátanaust hafði inn með sundum í Reykjavík og hinum megin vogarins sjáum við Sandey uppi í fjöru, en ef ég man rétt þá er það 616. Þá Askur ÁR 13 sem sést í uppi í slippnum.

175. Sandey, uppi í fjöru og 616. Askur ÁR 13 í slippnum hjá Bátanausti inn við sund í Reykjavík © mynd Emil Páll, fyrir langa löngu

Í stað þess að fjalla um eitthvað eitt ákveðið, tek ég hér fyrir ýmsilegt sem er úr ýmsum áttum eða úr einu í annað. Hvað um það hér eru myndir eftir mig sem falla undir þetta.


                                        Gamli vitinn á Garðskaga, 24. ágúst 2009


                   Minnisvarðinn um Jón Forseta RE 108 og þá sem fórust með honum, á Hvalsnesi, 28. ágúst 2009


                   Núverandi Garðskagaviti, gamla vitavarðarhusið, byggðarsafnið og veitingahúsið Flösin sem þá var, en heitir nú Tveir vitar, 24. ágúst 2009


                                         Bátur í Njarðvík á hliðinni, eftir rok


                                                  Sokkinn bátur í Keflavíkurhöfn


                           Úr Grófinni, Keflavík, 1999

                                          © myndir Emil Páll

                  151. María Júlía BA 36 í Njarðvíkurslipp, þar sem m.a. var verið að setja hvalbak á skipið © mynd Emil Páll, fyrir nokkrum áratugum

Smíðað hjá Frederikssun Skipswærft A/S í Frederikssund, Danmörku 1950. Til 1969, var skipið björgunar- og varðskip aðallega fyrir Vestfirðinga og gekk undir nafninu ,,Björgunarskúta Vestfjarðar.

Eldur kom upp í skipinu í Patreksfjarðarhöfn 16. mars 1975 og var því þá sökkt í höfninni til að slökkva í því. Náð upp fljótlega og síðan endurbyggt hjá Skipasmíðastöð Njarðvíkur hf. Hafist var handa fyrir nokkrum árum að undirbúa við að gera  skipið að fljótandi safni til varðveislu. Minna varð þó úr framkvæmdum og lá skipið lengi á Patreksfirði, en var síðan fært til Ísafjarðar, en lítið hefur verið unnið við skipið.

Skipið hefur aðeins borið nöfnin María Júlía og María Júlía BA 36.

185. Sigþór ÞH 100, í Keflavíkurhöfn © mynd Emil Páll

Smíðanr. 46 hjá Marstrand Mekanisk Verksted A/B i Marstrand, í Svíþjóð 1963. Kom til Sandgerðis laust fyrir kl. 20 laugardginn 13. apríl 1963 eftir 7 mánaða smíðatíma. Endurbyggður hjá Dráttarbraut Keflavíkur hf. Keflavík 1974-1977. Yfirbyggður 1987. Lengdur, skutur sleginn út og nú brú, gert í Þýskalandi 1987.
 
Báturinn var dreginn logandi til Njarðvíkur 29. mars 1974 af Ásgeir Magnússyni II GK 59, en eldur kom upp í bátnum er hann var staddur 8 sm. út af Stafnesi.
Aftur kom upp eldur í bátnum og nú við bryggju í Sandgerði 20. feb. 2005 og stórskemmdist hann og var ákveðið að gera ekki við hann heldur láta hann í pottinn. Slitnaði báturinn aftan úr Brynjólfi ÁR sem var að draga hann og var einnig á leið í pottinn, er skipin voru við Færeyjar. Kom Færeyska varðskipið Brymill að því mannlausu á reki og tók það í tog og dró til Færeyja að morgni 10. okt. 2005. Var skipið síðan dregið til Esbjerg í Danmörku, en þangað hafði förinni verið heitið og þangað kom það í maí 2006.

Nöfn: Sigurpáll GK 375, Sigþór ÞH 100, Þorvaldur Lárusson SH 129, Straumur RE 79 og Valur GK 6.

Bjarni Guðmundsson, Neskaupstað: Hér eru myndir frá því í gærkvöldi þegar Ramóna var dregin á Seyðisfjörð. Á fyrstu myndinni sést Green Ice með Ramónu í togi, en þeir héldu bátnum frá landi þangað til Hafbjörgin kom og tók bátinn í tog. Skemmdir á bátnum eru eftir óveður vestur á fjörðum í vetur.

Green Ice, með 1148. Ramónu ÍS 840 í togi í gærkvöldi                       1148. Ramóna ÍS 840, komin inn á Seyðisfjörð í nótt                             © myndir Bjarni Guðmundsson, í gærkvöldi og í nótt

212. Vatnsnes KE 30, í Keflavíkurhöfn © mynd Emil Páll

Smíðanúmer 256 hjá Lindströl Skips & Batbyggeri, Risör, Noregi 1960. Lengdur hjá Stálsmiðjunni hf., Reykjavík 1986. Yfirbyggður og breytt í Noregi 199?. Úreltur samkv. samþ. 3. sept. 1994. Seldur úr landi til Grænlands 22, desember 1994.

Kom í slipp í Hafnarfirði i júlí 2002 og var þá gjörbreyttur í útliti frá því sem áður var, er hann var undir íslenskum fána.

Nöfn: Sæþór ÓF 5, Sæfari AK 171, Erlingur Arnar VE 124, Hringur GK 18, Vatnsnes KE 30, Axel Eyjólfs KE 70, Skagaröst KE 70, Ögmundur RE 94, H.B. Lyberth GR 7-240, Anna Kill GR  6-8 og  Mask Tender GR 6-8.