Bömmelfjord

Bömmelfjord, í Finnsnesi, Noregi © mynd shipspotting, Mats Brevik, 16. mars 2012

Skrifað af Emil Páli

Tengill á færslu

22.03.2012 00:00

Stundvís ÍS 883, komin til Neskaupstaðar

Eins og áður hefur komið fram hér var stálbáturinn Maggi Jóns KE 77 seldur til Ísafjarðar þar sem hann var skráður sem Stundvís ÍS 883 og síðan seldur áfram til Neskaupstaðar þar sem rætt var um að hann fengi nafnið Inga NK 4. Frá því hann var seldur vestur fór hann þó ekki fyrr en um síðustu helgi, heldur var hann fyrst í slipp í Njarðvik og síðan við bryggju í Keflavíkurhöfn. Þann tíma og allt þar til hann kom til Neskaupstaðar, hefur hann þó ekki verið merktur neinu nafni, þó svo hann hafi verið skráður sem Stundvís ÍS.
Loksins er hann fór sigldi hann fyrst til Ísafjarðar og eftir nokkra daga stopp þar hélt hann austur og kom þangað á miðnætti, fyrir sólarhring síðan. Þar sem þá var orðið dimmt biðu myndatökur Bjarna Guðmundssonar þangað til í dag að hann smellti þessari syrpu.

1787. Stundvís ÍS 883, á Neskaupstað © myndir Bjarni G., 21. mars 2012

Skrifað af Emil Páli

Tengill á færslu

21.03.2012 23:24

Sitt sýnist hverjum

Í gærmorgun birti ég þessa grein og með þeim takmörkuðu upplýsingum sem ég taldi passa við. Síðan komu tvær sendingar sem ég birti fyrir neðan og þar koma fram sitt hver skoðunin á hvaða bátar þetta séu. Þar sem færslan var farin niður fyrir er síðari ábendingin kom endurbirti ég þetta nú.

Þessa gömlu mynd fann Guðmundur Sigurðsson hjá sér, en veit í raun mjög lítil deili á henni, telur hana þó tekna um 1970. Sýnist mér að sá guli sé 868. Valdís ÍS 72, en hina þekki ég ekki, enda ekki kunnugur þarna um slóðir. - Færi ég Guðmundi kærar þakkir fyrir -

868. Valdís ÍS 72 ( sá guli) og aðrir óþekktir á Ísafirði, sennilega um 1970 © mynd í eigu Guðmundar Sigurðssonar, ljósmyndari ókunnur

Vefpóstur frá Gunnari TH.:

Í morgun kl 09.00 birtirðu mynd frá Sundahöfninni á Ísafirði frá Guðmundi Sigurðssyni. Það má vera rétt að fremsti báturinn sé Valdís ÍS en aftan við hann liggur Gullfaxi ÍS, sem fórst í Djúpinu 1980. Aftan við Gullfaxa liggja (utar og blámálaður) Tjaldur ÍS, sem fórst í Jökulfjörðum ´86 og innar mun vera Ragnar Ben, sem strandaði við Brimnes vestan Hellissands ´83 og eyðilagðist.

Sendi ég Gunnari kærar þakkir fyrir þetta.

21.3.2012: Ég þarf að leiðrétta það sem komið er um þessa Ísafjarðarmynd, sem er greinilega tekin að vori því bátarnir eru allir nýskveraðir. Það er rétt hjá þér að sá guli er 868, en á þessum tíma 1975-1977 heitir báturinn Heppinn ÍS 72. Heppinn liggur þarna utaná systurskipinu 361 Bryndísi ÍS 69. Teddi er með næstu tvo rétta, þ.e. 493 Gullfaxi ÍS 594 og 551 Tjaldur ÍS 116. Fyrir innan Tjaldinn er 1317 Engilráð ÍS 60. Með bestu kveðju, Guðmundur Eydal

Sendi ég Guðmundi Eydal bestu þakkir fyrir þetta.

Skrifað af Emil Páli

Tengill á færslu

Norre Dame De Boologne, Frakklandi © myndir shipspotting, mattib 10. feb. 2012

Skrifað af Emil Páli

Tengill á færslu

21.03.2012 17:00

Páll Jónsson GK 7

Þessa mynd fann ég á Trawler History, þar sem hún var ómerkt með öllu, Ekki nafn eða númer bátsins, hvar hún væri tekin og því síður hver tók hana. Allar þessar upplýsingar þekki ég, en veit alls ekki hver tók myndina og vonast því að sá sem það gerði láti mig vita svo ég geti sett það undir myndina, en viðkomandi getur ekki sett nein skilyrði þar sem hún er með öllu ómerkt.