Á færeyska vefnum johanisnielsen.fo birtist í kvöld þessi fallega mynd af farþegaskipinu Norröna, sem er Íslendingum vel þekkt. Segir að skipið muni liggja á Kollafirði fram yfir áramót en sigla þá til Esbjerg.


              Norröna á Kollafirði, í Færeyjum © mynd Jóanis Nielsen, johanisnielsen.fo

Þeir voru hressir skipverjarnir á Kristínu GK 157 þegar þeir komu til Grindavíkurhafnar í jólafrí í dag klæddir í jólasveinabúninga allir með tölu. Þeir skelltu sér fram í stafnið í myndatöku og tóku eitt jólalag í leiðinni fyrir viðstadda. Strákarnir geta líka verið kátir með árangurinn á árinu enda er þetta lang hæsti línubátur á landinu.

Kristín GK kom að austan en stoppuðu við í Eyjum til að heilsa upp á skipstjórann sem býr þar en hann var ekki með í þessum túr. Vísir hf. í Grindavík gerir bátinn út.

Strákarnir á Árni á Teigi GK 1 duttu í lukkupottinn í gær þegar þeir fengu þessa 100 kg lúðu í netin. Óhætt er að segja að þessi risalúða hafi verið sannkallaður jólabónus í kreppunni því hún seldist á 1.080 kr. kg. og fór því á rúmlega eitt hundrað þúsund krónur.

Á myndinni er skipstjórinn Jón Berg Reynisson með lúðuna góðu.