Á fullri ferð © mynd Emil Páll, 1967

Tryggvi var á ferð í Eyjum í dag og tók þessar myndir og sendi mér:

1664. Stígandi VE 77                                                    2020. Suðurey ÞH 9                                                  2025. Bylgja VE 75                                                    2758. Dala - Rafn VE 508                                                    6229. Uggi VE 272                Í Vestmannaeyjum í dag © myndir Tryggvi, 6. sept. 2014

Hér sjáum við Sæmund Fróða á leið með Gullvagninum í Skipasmíðastöð Njarðvíkur til sjávar og síðan er báturinn siglir út Njarðvíkurhöfn

            7080. Sæmundur Fróði, á leið í sjó hjá Skipasmíðastöð Njarðvíkur, með Gullvagninum

Báturinn laus frá Gullvagninum                                                       Bakkað út                   Stefna tekin út úr Njarðvíkurhöfn © myndir Emil Páll, 4. sept. 2014

                1461. Herjólfur © mynd Birgir Guðbergsson

             1286. Freyr SF 20 o.fl., á reknetum við Hornafjörð © myndir Birgir Guðbergsson, 1979

Nokkra athygli vakti þegar fréttir bárust af því að Ólafur Bjarnason SH, hefði fengið bátsflak í dragnótina rétt utan við Ólafsvík. Í fyrstu sýndu myndir af flakinu ekki mikið, en síðan birti Vísir myndir sem sýna að báturinn er merkilega vel útlítandi þrátt fyrir að hafa verið í 24 ár á botninum. Hér koma tvær myndir sem sýna flakið og svo ein mynd af bátnum áður en hann sökk

1691. Doddi SH 222, smíðaður á Akranesi 1985, sökk rétt utan við Ólafsvík, 1990              1304. Ólafur Bjarnason SH 137, sem fékk flakið í snurvoðina og flakið af 1691. Dodda SH 222, híft á land © mynd Vísir, Þröstur Albertsson, 4. sept. 2014             Flakið af 1691. Dodda SH 222, komið upp á flutningavagn, ótrúlega heillegt eftir að hafa legið á sjávarbotni í 24 ár © mynd Vísir, Þröstur Albertsson, 4. sept. 2014

Hér koma nokkrar myndir sem Óðinn Magnason tók í dag í tilefni af strandi skipsins sem heitir Samskip Akrafell, en fjölmiðlar og aðrir nefna aðeins Akrafell

Samskip Akrafell, á strandstað                                                           2669. Aðalsteinn Jónsson SU 11                                       2410. Vilhelm Þorsteinsson EA 11                           © myndir Óðinn Magnason, í dag, 6. sept. 2014

Af vef Landhelgisgæslunnar:

Það hlé sem varð hér á síðunni frá hádegi stafaði af því að í dag er aðalhátíðisdagurinn á Ljósanótt 2014 og þar tók ég þessar fjórar skyndimyndir á símann minn. Þrátt fyrir rigningarúða var mikið fjölmenni á hátíðarsvæðinu.

© myndir Emil Páll, 6. sept. 2014

Í gærmorgun þegar Gosi HU 121 var að leggjast að í Sandgerðishöfn undir einn af löndunarkrönunum tók hann niðri í höfninni. Eftir að hafa losnað prufaði skipstjóri bátsins að segja astikið niður og er taka átti það upp aftur var það ekki hægt. Þar með var ljóst að það hafi eitthvað skekkst við þetta. Ákveðið var því að sigla til Njarðvíkur og eftir hádegi í gær var báturinn tekinn upp í Gullvagninn hjá Skipasmíðastöð Njarðvíkur, til að gera við astikstautinn.

1914. Gosi HU 102, á leið með Gullvagninum upp í slippinn                        Báturinn kominn í Skipasmíðastöð Njarðvíkur, í gær              Astikstauturinn skemmdur © myndir Emil Páll, í gær, 6. sept. 2014

Hérna sjáum við saman fjóra báta í Njarðvíkurhöfn sem allir eiga það saman að vera ýmist nú með ÁR númer eða hafa haft slíkt áður

            2405. Andey GK 66 ex ÁR 10, 2298. Anna María ÁR 109, 1829. Máni ÁR 70 og 1887. Máni II ÁR 7, í Njarðvíkurhöfn, í gær © myndir Emil Páll, 5. sept. 2014

ruv.is:

Akrafell strandaði við Vattarnes. RÚV-mynd: Rúnar Snær Reynisson.

Flutningaskipið Akrafell var að koma frá Akureyri þegar það strandaði við Vattarnes klukkan fimm í morgun. Skipið var á leið til Reyðarfjarðar en af einhverjum ástæðum beygði það ekki inn fjörðinn heldur hélt för sinni áfram þar til það strandaði við Vattarnes. Þar stöðvaðist það á grjóti á fjöru.

Nú verður beðið eftir flóði sem verður um hádegisbil en þá þykja mestar líkur á að skipið náist á flot. Dráttartaug var komið í Akrafell frá Aðalsteini Jónssyni SU í morgun. Varðskipið Ægir er væntanlegt um hádegisbil og tekur þá við hvort tveggja dráttartauginni og vettvangsstjórn. Nú hefur björgunarskipið Hafbjörg frá Neskaupstað vettvangsstjórn með höndum.

Enn hefur ekki tekist að ná tökum á lekanum. Enn berst meiri sjór inn í vélarrúm og lagnagang skipsins en tekst að dæla úr því. Ekki er sjáanlegur leki í lest. Sex skipverjar eru enn um borð ásamt sex til átta björgunar- og slökkviliðsmönnum sem vinna við dælingu. Ekki er komið í ljós hvar á kilinum sjór lekur inn í skipið en kafarar af Ægi kanna botn skipsins þegar varðskipið kemur á vettvang. Mengunar hefur ekki orðið vart við skipið en unnið er að því að koma mengunarvarnargirðingum á staðinn.

Í gær var björgunarskipið Oddur V. Gíslason, frá Grindavík tekið upp í Gullvagninn hjá Skipasmíðastöð Njarðvíkur, en báturinn er að koma í botnhreinsun.

2743. Oddur V. Gíslason, í Gullvagninum, hjá Skipasmíðastöð Njarðvíkur, í gær © myndir Emil Páll, 5. sept. 2014

ruv.is:

Akrafell á strandstað í morgun. Aðalsteinn Jónsson og Vilhelm Þorsteinsson eru þar rétt hjá. RÚV-mynd: Rúnar Snær Reynisson.

Búið er að koma fjórum dælum um borð í flutningaskipið Akrafell sem strandaði við Vattarnes milli Reyðarfjarðar og Fáskrúðsfjarðar um klukkan fimm í nótt. Þá hefur verið komið fyrir taug úr Akrafelli í fiskiskipið Aðalstein Jónsson sem kom til aðstoðar ásamt Vilhelmi Þorsteinssyni.

Einnig eru björgunarskip og léttbátar á vettvangi og nokkrir björgunarsveitarmenn eru komnir um borð til að aðstoða við að dæla sjó úr skipinu. Mikill sjór komst í vélarrúm Akrafells við strandið. Óttast er um olíuleka en talið er að rúmlega 140 rúmmetrar af svartolíu og um 40 af dísilolíu séu í skipinu. Boðað hefur verið til samráðsfundar Umhverfisstofunar, Samskipa og Landhelgisgæslunnar af þeim sökum. Þrettán eru í áhöfn, frá Austur-Evrópu og Filippseyjum. Skipverjar eru ekki í hættu og beinist starfið nú að því að bjarga skipinu. Logn er og lygn sjór. Lágfjara var þegar Akrafell strandaði. Það hreyfist nokkuð á strandstað en er stöðugt. Skipið strandaði rétt utan við vitann við sunnanverðan Reyðarfjörð.

Ár er síðan Akrafell bættist í flota Samskipa. Það var keypt notað, byggt í Kína 2003 og er systurskip Pioneer Bay sem hefur verið notað við strandsiglingar hérlendis.