Slys varð í morgun um borð í Sægrími GK, er skipverjar af Kristbjörgu voru að sækja búnað yfir í bátinn, að einn skipverjanna hrapaði 3 metra um borð. Hafði Þorgrímur Ómar Tavsen stýrimaður þetta um málið að segja:

,,Það kom sér vel aftur að hafa sótt Slysavarnaskóli Sjómanna er einn skipsfélaga okkar hrapaði 3 metra um borð í Sægrím í dag, þar sem við tveir vorum að sækja brautina fyrir niðurleggjann sem var á efra dekkinu. Ég hlúði að honum og gekk þannig frá að höfuðið fékk stuðning og skorðaði líkamann. Ekki var hægt að taka hann á börur vegna þrengsla en hann var settur á uppblásnar börur sem hentuðu bara nokkuð vel við þessar aðstæður".

                 Tveir sjúkrabílar og kranabíll komu frá Brunavörnum Suðurnesja auk lögreglu og hér sjást sjúkraflutningsmenn þegar verið var að hífa manninn upp úr bátnum © mynd Þorgrímur Ómar Tavsen, í morgun, 26. sept. 2013

            Vendla H-40-AV © mynd MarineTraffic, Bjoern Hansen, í mars 2013 - Fregnir eru í loftinu um að verið sé að kaupa þennan hingað til lands.

AF FACEBOOK:

Guðni Ölversson Ég hefði nú frekar viljað fá þann nýja til Íslands. Hefði verið flottur í Eskifjarðar eða Þorbjarnarflotanum.

Er makrílúthaldinu lokið í ár? Margt virðist benda til þess a.m.k. hjá þeim sem róðið hafa frá Keflavík og Njarðvík, en þeim hefur fækkað á hverjum degi að undanförnu og núna á þriðja tímanum voru flestir þeirra, sem fóru út í morgun, komnir í land, raunar sá ég á AISinu aðeins einn bát sem enn var úti, ekki var það vegna brælu heldur aflaleysis. Voru dæmi um að bátur sem fór út um kl. 7 í morgun og kom að landi nú á þriðja tímanum í dag var aðeins með 11 fiska um borð, eftir þessa 7 tíma.


             Margir makrílbátar liggja í Grófinni og eins í Njarðvíkurhöfn, auk báta í Keflavíkurhöfn, ekki vegna brælu, heldur vegna aflaleysis © mynd Emil Páll, í dag, 26. sept. 2013