Tómas Knútsson, sendi mér þessa skemmtilegu mynd, því skipin bæði á myndinni tengjast. Þarna er varðskipið Þór nýtt og skipherra í þessari ferð var Sigurður Steinar Ketilsson. Báturinn við bryggju sem í dag heitir Happasæll KE 94, var í upphafi í eigu bræðra sem hétur Helgi og Ketill Eyjólfssynir og umræddur Ketill var einmitt faðir Sigurðar Steinars Ketilssonar skipherra. Svona til gamans birti ég einnig mynd af bátnum þegar hann var nýr og var í eigu þeirra bræðra, en þá hét hann Árni Þorkelsson KE 46

2769. Þór á ytri höfninni í Keflavík og við bryggju er 13. Happasæll KE 94 © mynd Tómas Knútsson. Fyrir ofan myndina kemur í ljós hver tenging þessara tveggja skipa er, þarna.              13. Árni Þorkelsson KE 46, nú Happasæll KE 94 © mynd í eigu Emils Páls, en hún er komin frá velunnara síðunnar

Á undanförnum misserum hefur þessi farþegabátur oft verið myndaður með þessu nafni, en alltaf í slippnum í Njarðvík. Greip ég því tækifærið í morgun þegar búið var að slaka honum niður og hjálpa að bryggju, að smella af honum mynd, þar sem hann er á floti.

En eins og ég sagði frá í gær er búið að leigja hann og var hann því settur niður til skoðunnar, en verður síðan tekinn upp í slipp að nýju  og málaður nýjum lit og sett á hann annað nafn. Er þetta tækifæri því það eina sem menn fá til að taka myndir af bátnum við bryggju, undir þessu nafni.

46. Tony, við bryggju í Njarðvík í morgun © myndir Emil Páll, 11. apríl 2013

Þessa mynd tók ég úr mikilli fjarlægð af skipinu er það var að koma frá Reykjavík og nálgaðist Garðskaga á leið sinni til Vestmannaeyja og birti líka mynd af skipinu sem tekin var af því í Rotterdam á síðasta ári.

Brúarfoss í gærkvöldi á leið sinni frá Reykjavík til Vestmannaeyja © mynd Emil Páll, 10. apríl 2013                Brúarfoss, í Rotterdam © mynd MarineTraffic, Pete Roberts, 2012 AF Facebook: Ragnar Rúnar Þorgeirsson Ef þú hafir tekið mynd af þessu skipi út af Garðskaga á leið til Reykjavíkur. Hefði skipið ekki átt að snúa hinseginn. Bara pæling.   Emil Páll Jónsson Ragnar lesa það sem stendur undir myndunum á sjálfri skipasíðunni, ekki það sem kemur fram hér á Facebook. Þessi mynd er af skipinu í Rotterdam, en hin var tekin af skipinu á leið frá Reykjavík, ekki til Reykjavíkur eins og þú segir. Emil Páll Jónsson Ragnar Rúnar Þorgeirsson, er þetta ekki fljótfærni í þér, þessi pæling heheh.

                     Staryy Arbat © myndir Faxagengið, faxire9.123.is 9.apríl 2013