2471. Otur SI 100, hífður á land á Siglufirði, einnig sést á sumum myndanna einnig 1019. Sigurborg SH 12 © myndir Hreiðar Jóhannsson, 13. feb. 2013

               2048. Drangavík VE 80, siglir fram hjá Reykjanesi © myndir Faxagengið, faxire9.123.is 10. feb. 2013

               2326. Konráð EA 90, Siglufirði © mynd Hreiðar Jóhannsson, 13. feb. 2013

                    1047. Elding, í Sandgerðishöfn í gær © mynd Emil Páll, 13. feb. 2013

Uppsjóvarskip til Vágs

13.02.2013 - 22:01 - Kiran Jóanesarson

Felagið South Pelagic í Vági hevur keypt norska uppsjóvarskipið Østervold, sum nú fær navnið Grunnabarð.
 

Eftirfarandi frétt birtist á vef Landhelgisgæslunnar:
 

              1148. Ramóna ÍS 840 © mynd Hreiðar Jóhannsson, 5. febrúar 2013

Landhelgisgæslunni barst kl. 01:07 í nótt beiðni um aðstoð frá 25 tonna eikarbátnum Ramónu en kominn var leki að bátnum og lensidælur bátsins virkuðu ekki. Einn maður var um borð í bátnum sem var staðsettur á Þistilfirði eða um 14 sjómílur frá Þórshöfn. Landhelgisgæslan kallaði út Gunnbjörgu, björgunarskip SVFL á Raufarhöfn og var haft samband við varðskipið Þór sem var staðsett um 30 sjómílur frá vettvangi. Skipstjórinn fór í flotgalla en erfitt fyrir hann að athafna sig og talsverður sjór var kominn í bátinn. Þyrla Landhelgisgæslunnar var einnig kölluð út og fór hún í loftið kl. 02:23.

Þegar Gunnbjörg kom að Ramónu gekk illa vegna veðurs að að koma mannskap og dælu yfir í bátinn og var ákveðið öryggisins vegna að bíða eftir aðstoð varðskipsins Þórs sem tók við vettvangsstjórn. Varðskipið Þór tilkynnti kl. 03:47 að þrír varðskipsmenn væru komnir um borð í fiskibátinn og hafin væri dæling en þá var töluverður sjór kominn í vélarrúmið. TF-LÍF þyrlu Landhelgisgæslunnar var þá snúið við og björgunarskip SVFL hélt til Raufarhafnar. Varðskipið Þór fylgdi síðan bátnum til hafnar á Raufarhöfn en þangað var komið upp úr kl. 06:00 í morgun.

                                                           - o -

Þó það komi ekki fram í frétt Landhelgisgæslunnar, þá var báturinn á leið til Stöðvarfjarðar, en þangað hefur hún verið keypt. Hefur báturinn legið um tíma á Þingeyri og eftir söluna austur, hefur hún komið við á nokkrum stöðum.

            1148. Ramóna ÍS 840 © mynd Hreiðar Jóhannsson, 5. febrúar 2013

sk.siglo.is

Frá afhendingu 5361. Arnars SK 164

Tuttugasti og fyrsti bátur Síldarminjasafnsins bættist í „flotann“ í gær þegar starfsmenn safnsins skruppu til Sauðárkróks og sóttu þangað Arnar SK  164.

Báturinn var smíðaður á Akureyri árið 1969 af Níelsi Kröyer en undir handleiðslu Nóa Kristjánssonar skipasmiðs.

Hann var í eigu Birgis Sveinbjörnssonar á Akureyri frá 1971 til 1988 þegar Magnús Jónsson á Sauðárkróki keypti bátinn. Þá eignuðust hann Eyjólfur Sveinsson og Eiríkur Sigurðsson á Sauðárkróki – síðar varð Ólafur A. Jónsson einn eigenda og áttu þeir bátinn þangað til þeir afhentu hann Síldarminjasafninu 12. febrúar.

Arnar er smíðaður úr furu, 6,72 m að lengd og með Saab vél. Hann er hinn heillegasti en þarfnast nokkurar viðgerðar á borðstokkum og öðru.
Markmið Síldarminjasafnsins er að varðveita gamla trébáta eins og kostur er – og huga ekki bara að því sem siglfirskt er heldur einnig að horfa til norðlenskrar arfleifðar í þeim efnum. -ök

Skessuhorn.is

Víkingur AK 100 er á leið á loðnumiðin út af Hornafirði og byrjar væntanlega veiðar seinna í dag. Að sögn Ingimundar Ingimundarsonar rekstrarstjóra skipasviðs HB Granda mun skipið landa til vinnslu í mjölverksmiðjuna á Akranesi. „Ef allt gengur eins og best verður á kosið má búast við honum til löndunar aðfaranótt laugardags,“ sagði Ingimundur í samtali við Skessuhorn. Eins og þekkt er orðið er Víkingi aðeins beitt yfir háloðnuvertíðina, en skipið er orðið 52 ára gamalt. Fyrir þessa vertíð voru gerðar miklar endurbætur á lest Víkings, auk annars hefðbundins viðhalds. Aðspurður sagði Ingimundur að strax og búið var að gefa út heildarkvótann á loðnuna nú í vikunni, 570 þúsund tonnin, hafi allt verið sett á fullt í loðnuveiðunum. Fram að þessu hafi menn verið að horfa til hrognafrystingarinnar sem væntanlega byrjar nú í lok mánaðarins, að geyma hluta kvótans í þá vinnslu; sem er langarðsamasti hluti loðnuvertíðarinnar.

Gunnar Gunnarsson skipstjóri á Víkingi er með fastan hóp manna í áhöfn, 13 karla, sem hann kallar út með skömmum fyrirvara. Sagt er að það hafi farið allt niður í fjóra tíma frá því Gunnar byrjaði að hóa í mannskapinn frá því að Víkingi var siglt til veiða. „Þeir eru að tala um að árangurinn hafi ekki verið neinn í þetta skiptið. Það hafi tekið átta tíma að ræsa mannskapinn,“ segir Ingimundur og hlær. Víkingur fór frá bryggju á Akranesi klukkan 16 á þriðjudag, kom við í Reykjavík til að taka nót og sigldi svo rakleiðis á miðin fyrir austan. Ef enn væri að finna peningalykt frá bræðslu loðnu á Akranesi, gætu bæjarbúar merkt hana strax í byrjun næstu viku, þegar mjöl og lýsi fara að streyma í tankana. Lyktarmengun verður þó væntanlega engin, þar sem hennar gætir núorðið aðeins þegar brædd er gulldepla eða skemmdur kolmunni.