Í dag þegar nánast öll þjóðin hefur orðið að meðtaka allt að því fárviðri, hefur landssvæði það sem oftast er kallað af fólkinu út á landi ..ROKRASSGAT" það eru Suðurnesin, aðeins í góðum stormi með smá hriðjum. Hér er auð jörð og enginn snjór. Því hafa björgunarsveitir á Suðurnesjum í dag verið höfuðborgarbúum til aðstoðar. Já þetta er furðuleg veðrátta. Í dag fór ég á mínum litla bíl, bæði upp á Ásbrú og eins úti í Hafnir, án nokkurra vandkvæða.

Eins og ég hef oft sagt frá hér áður, hefur Jón Halldórsson, sem er með vefinn holmavik.123.is, mjög næmt auga fyrir listrænum myndum og hér er ein slík

Frá Hólmavík © mynd Jón Halldórsson, holmavik.123.is  í okt. 2012

smugan.is:

„Þetta er algjört drulluveður,“ segir Eiríkur Dagbjartsson, útgerðarstjóri hjá Þorbirni Fiskanesi. Samkvæmt upplýsingum frá Vaktstöð siglinga eru aðeins stærstu skip á sjó og eru þau öll í vari.

Vaktstöð siglinga segir að 36 skip séu á sjó, aðeins stór skip, togarar, og enginn sé á veiðum. Öll skipin séu í vari.

„Það hefur slegið upp í 40 metra á sekúndu hér í nótt,“ segir Trausti Sigurðsson, stýrimaður á Kaldbak, sem er í vari suður af Langanesi. „Það er lengi hægt að toga, en þegar taka á trollið upp gæti eitthvað slitnað eða orðið slys. Við förum varlega,“ segir Trausti. Hann bætir því við að mannskapurinn hafi það fínt, en mönnum þyki ekki gaman á sjó þegar ekkert sé að gera.

Eiríkur Dagbjartsson óvanalegt að fá svona veður á þessum árstíma. „Þetta er óvenju hastarlegt, svona allt í kringum landið, að enginn geti verið á veiðum.“

Norðan vonskuveður um allt land

Fram kemur í tilkynningu frá Veðurstofunni að norðan vonskuveður verði á öllu landinu næsta sólarhring.

„Veðurstofan varar við norðan vonskuveðri á öllu landinu næsta sólarhring. Búast má við norðanstormi með vindhraða á bilinu 20-28 m/s um allt land og mjög hvassar vindhviður, allt að 55 m/s, við fjöll, einkum á S-verðu landinu frá Snæfellsnesi til Austfjarða. Spáð er talsverðri ofankomu á N- og A-landi í dag.
Ekkert ferðaveður verður næsta sólarhring. Vindur fer að ganga niður á öllu landinu um hádegi á morgun (laugardag). Áfram verður þó víða hvasst fram á kvöld, en búist er við að lægi verulega um land allt aðfaranótt sunnudags. Á höfuðborgarsvæðinu og nágrenni er búist við stormi í allan dag, en dregur lítið eitt úr vindi um hádegi á morgun (laugardag). Lægir síðan aðfaranótt sunnudags,“ segir í tilkynningu Veðurstofunnar.

Mynd: Af áhafnarsíðu Málmeyjar SK.

Hér kemur hluti af skemmtilegri myndasyrpu sem Ingvar Vilhjálmsson tók á sínum tíma þega Patrekur BA 64 var sjósettur í Skipavík í Stykkishólmi. Hefur Ingvar heimilað mér birtingu þeirra og sendi ég honum kærar þakkir fyrir

Sjósetning 1640. Patreks BA 64, hjá Skipavík, Stykkishólmi © myndir Ingvar Vilhjálmsson

Búið er að selja erlendis skipin Fram ÍS 25, ex Guðrún Guðleifsdóttir ÍS 25 og Kristbjörgu ÍS 177. Þá standa yfir viðræður um sölu á tveimur til viðbótar, en mér er ekki heimilt að segja nöfn þeirra, nema að annað þeirra er af Suðurnesjum. Munu skipin eiga að fara á túnfiskveiðar við Sri Lanka.

971. Fram ÍS 25, í Njarðvík en þar hefur skipið legið síðan það fékk þetta nafn © mynd Emil Páll, 3. ágúst 2012

239. Kristbjörg ÍS 177 © mynd Ragnar Emilsson, 2012