03.03.2014 07:00

Addi afi GK 97, í Sandgerði

2106. Addi afi GK 97 í Sandgerði © myndir Emil Páll, 1. mars 2014

Skrifað af Emil Páli

Tengill á færslu

03.03.2014 06:00

Víxill II SH 158, Guðmundur á Hópi GK 203, Hafsvala HF 107 og Keilir II AK 4

1844. Víxill II SH 158, 2664. Guðmundur á Hópi GK 203 og 1969. Hafsvala HF 107, bíða eftir löndunarplássi, í Sandgerði. Verið er að landa úr 2426. Keili II AK 4 © mynd Emil Páll, 1. mars 2014

Skrifað af Emil Páli

Tengill á færslu

02.03.2014 22:43

Dýrasta skip Íslands sjósett

mbl.is:

<

Frá sjósetningu skipasmíðastöðinni Cemre í Tyrklandi. Ljósmynd/Fáfnir

Skip sem íslenska fyrirtækið Fáfnir Offshore lét smíða fyrir sig var sjósett í skipasmíðastöðinni Cemre í Tyrklandi í gær. Skipið er sérútbúið til að þjónusta olíuiðnaðinn í norðurhöfum, ekki síst til birgðaflutninga til og frá olíuborpöllum, er með þyrlupall og 850 fermetra þilfar.

Skipið er 89 metra langt og 18 metra breitt og er sérstaklega hannað til að athafna sig við erfiðar aðstæður á norðurslóðum, þ.m.t. til siglinga í ís.

Skipið fer nú í Havyard-skipasmíðastöðina í Leirvík í Noregi þar sem það verður fullbúið og gert er ráð fyrir að Fáfnir fái skipið afhent í ágúst næstkomandi.

Fyrsta verkefni skipsins verður að leysa af hólmi varðskipið Tý sem Fáfnir tók á leigu hjá Landhelgisgæslunni til að uppfylla samninga við norsk stjórnvöld um gæslu- og björgunarstörf á hafsvæðinu í kringum Svalbarða.

Fyrirtækið Fáfnir Offshore hefur haslað sér völl á sviði þjónustu við olíurannsóknir og olíuvinnslu á norðurslóðum og hyggst enn frekar færa út kvíarnar á þeim vettvangi. Fyrirtækið hefur gert samning við sýslumanninn á Svalbarða um gæsluverkefni í kringum eyjarnar næstu tíu árin og mun nýta hið nýja skip til þeirra verka.

Skrifað af Emil Páli

Tengill á færslu

02.03.2014 22:22

Nýsmíði fyrir norðmenn, strandaði stuttu eftir sjósetningu í Reykjavík

Í síðustu viku var sjósettur bátur sem heitir Vardöjenta F-190-V og er smíðaður fyrir Norðmenn uppi í Mosfellsbæ, en þó nálægt Kollafirði. Þar hefur verið bátasmíði í nokkur ár, en nýlega urðu eigendaskipti á þeirri stöð og keyptu nýir eigendur Samtaks-mótin svokölluðu, sem eru af Víkingsbátum. Báturinn var sjósettur við athafnarsvæði Björgunar í Elliðavogi í Reykjavík, en eftir sjósetningu varð það óhapp að báturinn strandaði fljótlega og sat fastur í um hálfa klukkustund að sögn vitna, en losnaði þá sjálfur. Talið er að þar sem hann strandaði sé leirbotn og því hafa trúlega ekki orðið alvarlegar skemmdir, ef þá nokkrar.

Liggur báturinn nú í Reykjavíkurhöfn, þar sem verið er að fullklára hann.

Vardöjenta F-190-V, í Reykjavíkurhöfn, í dag © mynd Sigurður Bergþórsson, 2. mars 2014

Skrifað af Emil Páli

Tengill á færslu

02.03.2014 21:00

Sæfari GK 89, í Sandgerði, í gær og formáli

Ótrúlegur dagur, með færslunni sem nú kemur, hef ég eingöngu fjallað um uppákomu sem varð í Sandgerði í gær skömmu fyrir kvöldmat. Á þessari klukkustund tók ég myndasyrpu sem ég hóf að birta úr í gærkvöldi og náði ekki að klára í dag, en klárast á morgun, en þó verða þær myndir sem eftir eru frá þessum klukkutíma, sem tók að taka myndirnar, í bland við aðrar myndir á morgun. Hefði birtan leyft lengri tökur hefði ég sjálfsagt tekið enn fleiri myndir.

Þessi ótrúlega syrpa, minnir mjög á makrílsyrpunar sem birtust hér á síðasta ári, en þar komu við sögu fjórir ljósmyndarar og myndir birtist á mun lengri tíma, en þessi syrpa. Makrílsyrpan hófst á tökum við Keflavík og fór síðan í miklar syrpur á Steingrímsfirði og kom síðan aftur til Keflavíkur. Fyrir utan þær myndir sem ég tók, þá var mjög afkastamikill ljósmyndari Jón Halldórsson, á Hólmavík, sem gerði það að verkum að hægt var að flytja nýjar myndir af norðan nánast jafnóðum og þær voru teknar. Þá kom einnig við sögu í makríltökunum, þeir Ragnar Emilsson, skipstjóri á Mána II ÁR 7, sem tók myndir af makrílveiðum bæði hér syðra og eins á Steingrímsfirði og Árni Þór Baldursson í Odda sem tók slatta af myndum á Drangsnesi og Hólmavík.

Snúum okkur þá af Sæfara GK 89, frá Grindavík, en sem fyrr eru þessar myndir teknar í gær í Sandgerðishöfn

2819. Sæfari GK 89, í Sandgerði, í gær © myndir Emil Páll, 1. mars 2014

AF FACEBOOK:

Guðni Ölversson Flottur bátur. Það hefur verið mikið líf í Sandgerðishöfn í gær. Enda Sandgerðingar með fallegasta bæjarstjóra á stór Grindavíkursvæðinu.