Ölver Guðnason, í Noregi, sem oft hefur komið við sögu hér á síðunni, er ég hef sagt frá honum, hefur nú keypt sér bát og er sjálfur því farinn að gera út.

Nánar mun ég segja frá honum síðar og birta betri myndir af bátnum, en hér eru myndir sem voru í auglýsingu af honum og birtust áður en hann keypti bátinn.

Fyrir þá sem ekki eru búnir að kveikja á perunni, þá minni ég á að þetta  er sonur Guðna Ölverssonar.






             Martin - Junior T-101-T, bátur Ölvers Guðnasonar © myndir úr norskri auglýsingu

                           Frá Siglufirði © myndir Hreiðar Jóhannsson, 23. jan. 2014

Árið 2006, var sjósettur í Hafnarfirði plastbáturinn Selma Dröfn BA 21 og eftir nokkur ár hóf  útgerðarmaður hans útgerð á honum í Noregi. Eftir að hafa gert hann þar út í smátíma var hann á síðasta ári seldur innanlands í Noregi. Eftir að hafa skoðað myndir af yfirbyggðum bátum af sömu gerð og þessi var þ.e. Viking 1135, m.a. á þessari síðu varð úr að Bátasmiðjan Sólplast í Sandgerði var fengin  til að smíða á hann yfirbyggingu sem síðan var flutt sjóleiðis til Noregs og birti ég myndir af þeirri smíði og þegar bíll flutti yfirbygginguna í einingum frá Sólplasti. Óskað var eftir að Sólplast myndi setja yfirbygginguna saman ytra, en sökum anna var það ekki framkvæmanlegt. Fram að þessu hefur Sólplast smíðað nokkrar yfirbyggingar á önnur systurskip bátsins.

Birti ég nú fjórar myndir, þ.e. ein mynd af bátnum ný sjósettum, í Hafnarfirði, aðra eftir að hafa verið fluttur til Noregs og skráður þar og síðan birtast tvær myndir af bátnum sem nýlega voru teknar og sést hann þar með enn aðra skráningu en kominn með yfirbygginguna og heldur enn öðru nafnana sem voru á honum í upphafi. - Jafnframt vísa ég á myndir af yfirbyggingunni sem birtust hér á síðasta ári.


                    2658. Selma Dröfn BA 21, í Hafnarfirði © mynd Samtaka, 2006


         Selma F-19-BD í Kongsfjord, Noregi ex 2658. Selma Dröfn BA 21 © mynd MarineTraffic, Erling Eiriksson, 4. mars 2012 - þarna er báturinn í eigu íslendingsins, en skráður í  Noregi




          Selma F-119-TN ex Selma F-19-BD ex 2658. Selma Dröfn BA 21, í Noregi, kominn með yfirbygginguna sem smíðuð var hjá Sólplasti í Sandgerði © myndir Alf Kollstrom, í nóv. 2013

Ég hef áður birt mynd af skipi þessu í Helguvík, en þar sem suddi var þegar ég tók þá mynd, notfærði ég mér sólarglætu í gær og tók aðra mynd. Skip þetta er í hergagnaflutningum  og flutti m.a. tvær þyrlur og fleiri hergögn hingað til lands fyrir herina sem eiga að passa okkur á næstu vikum, fyrir ,,óvininum".


           Mimer, hergagnaflutningaskipið  í Helguvík, í gær  © mynd Emil Páll, 23. jan. 2014

Í gær lágu þessi bátar í röð við bryggju í Sandgerði og það skemmtilega er að þeir sem eru í raun systurskip af gerðinni Viking 1135, voru báðir yfirbyggðir hjá Sólplasti, á sínum tíma.


             2640. Pálína Ágústsdóttir GK 1 og 2746. Bergur Vigfús GK 43, í Sandgerði í gær - systurskip og báðir með yfirbyggingu frá Sólplasti  © mynd Emil Páll, 23. jan. 2014