Þó ég hafi birt þrjár myndir af bátnum áður, fannst mér rétt að birta þetta aftur, þar sem hér koma upplýsingar um bátinn sem ekki hafa áður komið fram. En þetta birtist í bb.is

Glænýr þjónustubátur hefur bæst í flota laxeldisfyrirtækisins Fjarðarlaxs á Tálknafirði. Báturinn sem kom til hafnar á Tálknafirði á laugardag ber nafnið Eygló BA og er smíðaður af fyrirtækinu KJ Hydraulik í Færeyjum. Hann er 50 tonna tvíbytna, 14 metrar á lengd og 7 metrar á breidd. Skipstjóri á bátnum er Sigurvin Hreiðarsson og vélstjóri Einir Steinn Björnsson.

"Báturinn er mikilvæg forsenda fyrir áframhaldandi uppbyggingu laxeldis á svæðinu og framundan er mikil vinna við nótaskipti og er hann því mjög kærkomin fyrir starfsmenn fyrirtækisins," segir Jón Örn Pálsson svæðisstjóri Fjarðalax á Tálknafirði. 

Frá þessu er greint á vef Tálkafjarðarhrepps.

                 2388. Ingunn AK 150 © mynd Faxagengið, faxire9.123.is,  14. ágúst 2012

           2159. Örvar SH 777 og 1401. Ágúst GK 95, Siglufirði © mynd Hreiðar Jóhannsson, 5. spet. 2012

                   2159. Örvar SH 777, Siglufirði © mynd Hreiðar Jóhannsson, 5. sept. 2012

              1544. Viggó SI 32, Siglufirði © mynd Hreiðar Jóhannsson, 9. sept. 2012

                     1452. Steini Vigg SI 110, Siglufirði © mynd Hreiðar Jóhannsson, 1. sept. 2012

              1452. Steini Vigg SI 110 og 2683. Sigurvin, Siglufirði © mynd Hreiðar Jóhannsson, 9. sept. 2012

                  1434. Þorleifur EA 88, Siglufirði © mynd Hreiðar Jóhannsson, 9. sept. 2012

                  1420. Keilir SI 145, Siglufirði © mynd Hreiðar Jóhannsson, 9. sept. 2012

                  1019. Sigurborg SH 12 © mynd Hreiðar Jóhannsson, 9. sept. 2012

               155. Lundey NS 14 © myndir Faxagengið, faxire9.123.is, í sept. 2012

                       1754. Ugla, á Siglufirði © myndir Siglufjarðar-Seigur, í sept. 2012




                  1754. Ugla, hjá Siglufjarðar-Seig © myndir Hreiðar Jóhannsson, í sept. 2012

                 Vanti mönnum stýrishús, er úrvalið mikið hjá þeim í Grenaa, Danmörku © mynd Guðni Ölversson, í ágúst 2012

                  Silver Ocen, í Reykjavík © mynd Sigurður Bergþórsson, 4. sept. 2012

Heimasíða HB Granda:

10. sep. 2012

,,Við vorum að ljúka við seinna holið með Ingunni AK og erum komnir með hátt í 600 tonn af síld og nú verður stefnan tekin á Vopnafjörð. Það var kaldaskítur hér í gærkvöldi en frá því í nótt og í allan dag hefur verið blíðskaparveður hjá okkur. Við erum hér í miðri lægðarmiðjunni og njótum þess greinilega."

Þetta sagði Stefán Geir Jónsson, skipstjóri á Lundey NS, er rætt var við hann nú síðdegis en þá var Lundey í utanverðu Glettinganesgrunninu eða um 65 sjómílur austur af Vopnafirði. Að sögn Stefáns Geirs hófst veiðiferðin í fyrradag og þá um kvöldið og nóttina voru tekin tvö hol með Faxa RE en uppsjávarveiðiskip HB Granda eru á tveggja skipa veiðum og saman með eitt stórt troll á síldveiðunum. Í gærkvöldi var þriðja holið klárað og þá fór Faxi til Vopnafjarðar með hátt í 600 tonn af síld. Ingunn kom í staðinn á veiðisvæðið og togaði á móti Lundey. Lokið var við fyrra holið í morgun og nú um miðjan dag fengust rúmlega 300 tonn af síld eftir um fimm tíma hol.

,,Síldin er fín og af góðri stærð og makríll hefur ekki verið með í aflanum," segir Stefán Geir Jónsson.

Magnús Róbertsson, vinnslustjóri HB Granda á Vopnafirði, tekur undir með Stefáni Geir. Hann segir að uppistaðan í síldaraflanum sé síld af stærðinni +350 til 370 grömm. Öll síldin er unnin í svokölluð samflök fyrir frystingu.

Eiginlegar síldveiðar á vegum HB Granda hófust í síðustu viku eftir velheppnaða makrílvertíð og síðan þá hafa Lundey, Ingunn og Faxi öll komið einu sinni með síldarafla til vinnslu á Vopnafirði. Faxi er nú í höfn á Vopnafirði en þegar löndun lýkur mun skipið fara til móts við Ingunni sem bíður á miðunum.