Flutningaskipið Green Lofoten kom um kl. 16 í dag til Neskaupstaðar og lagðist það að bryggjunni við frystigeymslurnar. Okkar maður á staðnum tók þessar myndir við það tækifæri.






             Green Lofoten á Neskaupstað í dag © myndir Bjarni G. 10. mars 2010

Vilhelm Þorsteinsson EA 11 kom til Neskaupstaðar í dag um kl. 13.30 með loðnu í hrognatöku og tók Bjarni Guðmundsson þessar myndir við það tækifæri




   2410. Vilhelm Þorsteinsson EA 11, á Neskaupstað í dag © myndir Bjarni G. 10. mars 2010

                                     2313. Örn KE 14 © mynd Kr.Ben

                                                  2400. Ósk KE 5 © mynd Kr.Ben

Bláfell ehf., er bátasmiðja sem staðsett er á Ásbrú, sem er heitið á gamla Varnarliðssvæðinu ofan við Keflavík. Hjá fyrirtækinu er nú verið að leggja lokahöndina á tvo þilfarsbáta sem sjósettir verða mjög fljótlega, jafnvel annar um eða upp úr helginni, Þá hefst vinna við að gera þann þriðja fullklárann en vinnu við hann á að ljúka fyrir strandveiðitímabilið í vor.
Hér birtast myndir af öllum þremur bátunum og raunar saga tveggja sem eru á endasprettinum, en annar þeirra, má segja að hafi verið endurbyggður alveg frá grunni, því af gamla bátnum er aðeins eftir kjölurinn, hluti af stefni, toppurinn á stýrishúsinu og gamla skipaskrárnúmerið.
 
                                                       Kristbjörg ST 39

Hér er á ferðinni bátur sem upphaflega var smíðaður hjá Mótun ehf. í Hafnarfirði árið 1993, síðan hófust fyrir okkrum á árum endurbygging á bátnum og lenging, Í fyrstu var verkið unnið hjá Sólplasti ehf., í Sandgerði, en eftir að eigandi bátsins Bláfell ehf, opnaði bátasmiðju var verkinu lokið í aðstöðu fyrirtækisins á Ásbrú. Mun báturinn verða um 10,5  tonn að stærð nú.

Báturinn hefur verið seldur til Drangsnes.

Nöfn: Krókur RE 146, Völusteinn ÍS 89, Bláfell HU 179 og nú Kristbjörg ST 39.  

                       
                                                       Ex Hera BA 51

Báturinn var framleiddur hjá Colvic Craft Ltd, í Englandi árið 1979. Lengdur 1994 og dekkaður 1999. Stórviðgerð fór fram á bátnum hjá Sólplasti ehf., Sandgerði 2008 til 2009 eftir að báturinn hafði rekið upp í fjöru 2007 og verið þá afskráður sem fiskiskip. Verkinu var síðan lokið hjá Bláfelli ehf. sem þá var til húsa í Keflavík.

Nöfn: Selvík HF 72, Selvík EA, Selvík HU 20, Gáski ÍS 621, Skussi ÞH 314, Steinunn BA 40, Eybjörg ST 101, Kristín Þórunn ÍS 818, Hera BA 51 og á næstu dögum kemur nýtt nafn og númer á bátinn, þar sem hann hefur verið seldur til Vopnafjarðar og mun fara þar á grásleppuveiðar.

                                                       Nýr Víking
Hér er á ferðinni skrokkur sem Bláfell mun innrétta og gera af þilfarsbáti og verður hann tilbúinn fyrir strandveiðarnar í vor, en hann er enn óseldur.


             2207. Völusteinn ÍS 89 nú Kristbjörg ST 39, áður en smíði var hafin að nýju


    2207. Hér er búið að taka húsið ofan af og lítið orðið eftir af upphaflega bátnum


                          2207. Kristbjörg ST 39, inni í húsi Bláfells ehf.


            2207. Ekki er annað hægt að segja en að um glæsilegan bát er að ræða eins og hann er í dag


      2207, Kristbjörg ST 39, eins og hann lítur út séð litið fram með bátnum


    6214. Hera BA 51, áður en báturinn var fluttur í húsnæði Bláfells ehf.


    6214. Ex Hera BA, já þó ótrúlegt sé er þetta sami bátur og á myndinni hér fyrir ofan


                   6214. Já rennilegur bátur, ekki annað hægt að segja


    Konan sem sést hér til hliðar er annar eiganda Bláfells, en nánar um það síðar


     Víkingsbáturinn sem verður tilbúinn fyrir strandveiðitímabilið © myndir Emil Páll, 10. mars 2010

Myndir þær sem Bjarni Guðmunds tók og sendi mér í morgun sýna Eriku að landa síðasta hrognatúrnum. Bjarni NK 121 að koma úr togararalli og hrognaveislu hjá kollunum.


          Erika GR-118, landar síðustu loðnunni til hrognatöku á Neskaupstað í morgun


                           1278. Bjartur NK 121, nýkominn úr togararallí


           Kollurnar í hrognaveislu © myndir Bjarni G. á Neskaupstað 10. mars 2010

Hér kemur smá togarasyrpa, raunar eru allar myndirnar af sama skipinu, en þó með sitt hvoru nafninu. Ljósmyndari af myndum þessum er Þór Jónsson á Djúpavogi.


                                               1536. Júlíus Geirmundsson ÍS 270


                                    1536. Júlíus Geirmundsson ÍS 270


                                            1536. Júlíus Geirmundsson ÍS 270


                                                        1536. Barði NK 120


                                         1536. Barði NK 120 © myndir Þór Jónsson

Í gær birti ég mikla umfjöllun um Ingibjörgu SH 174 ex Odd á Nesi, svo og sögu bátsins, en nú bæti ég við fjórum myndum. Þrjár eru teknar eftir að báturinn var tekinn úr húsi í dag og sú fjórða sýnir Kristján í Sólplasti ásamt eiganda bátsins.






                   2615. Ingibjörg SH 174 við húsnæði Sólplasts ehf., í Sandgerði


    Kristján í Sólplasti (t.v.) ásamt eiganda bátsins virða bátinn fyrir sér að breytingum loknum © myndir Emil Páll, 9. mars 2010

Í morgun birti ég myndir sem ég tók af F- 358 á Stakksfirði um kl. 8 í morgun, en það var áður en það fór að birta. Birti ég því nú mynd af skipinu sem tekin var í dag, í dagsbirtu.


                         F-358 Triton á Stakksfirði í dag © mynd Emil Páll, 9. mars 2010

Þessa mynda syrpu tók Bjarni Guðmundsson frá björgunarskipinu Hafbjörgu á Neskaupstað, af björgunaræfingu i sundinu sunnan við Þórshöfn í Færeyjum 5. til 9. júní 2008. Á myndunum sjást m.a.  F-360 Hvidebjoernen, Tjaldrið, Sæbjörg og rússatogarar.
 











   Frá sameiginlegri björgunaræfingu við Færeyjar í júní 2008, séð frá Hafbjörgu frá Neskaupstað © myndir Bjarni G. í júní 2008 

Af skip.is

Loðnuveiðum HB Granda lokið

9.3.2010

Að sögn Vilhjálms Vilhjálmssonar, deildarstjóra uppsjávarsviðs HB Granda, eru Ingunn AK og Faxi RE nú á Akranesi þar sem afli skipanna fer til vinnslu. Lundey NS og Víkingur AK eru hins vegar á leiðinni til Vopnafjarðar. Ef allt gengur að óskum verður Lundey komin þangað eftir miðnætti í nótt en von er á Víkingi heldur síðar.

Loðnukvóti skipa HB Granda á þessari stuttu loðnuvertíð var um 20.500 tonn. Með því að skipuleggja veiðarnar og senda Víking til veiða með hinum skipunum þremur var hægt að nýta allan loðnukvóta félagsins til hrognatöku og frystingar á hrognum fyrir markaði í Japan og Austur-Evrópu.

Af skip.is:

---

Ný Cleopatra 33 til Frakklands

8.3.2010

Báturinn hefur hlotið nafnið Etendard II, mælist 11 brúttótonn og er af gerðinni Cleopatra 33. Aðalvélin er af gerðinni Iveco C78M55 tengd ZF360IV-niðurfærslugír. Báturinn er útbúinn fullkomnum Furuno siglingatækjum.

Hann er útbúinn til neta- og línuveiða. Hann mun stunda netaveiðar 4 mánuði á ári og línuveiðar með lifandi beitu 8 mánuði á ári. Í bátnum eru sérútbúnir tankar til að halda beitu lifandi um borð. Uppistaða aflans er barri.

Búnaður til netaveiða er frá Girard og búnaður línuveiða er frá Able. Öryggisbúnaður bátsins kemur frá Viking-björgunarbúnaði.

Rými er fyrir 14stk 380lítra kör í lest. Stólar fyrir skipstjóra og háseta eru í brú. Svefnpláss er fyrir þrjá í lúkar auk eldunaraðstöðu með eldavél, örbylgjuofn og ísskáp.

Reiknað er með að báturinn hefi veiðar í Biscay flóanum undir lok mánaðarins

Hákon EA 148 landaði í morgun kolmunna á Neskaupstað og tók okkar maður á staðnum Bjarni Guðmundsson þessar myndri við það tækifæri. Sendi ég honum bestu þakkir fyrir.




   2407. Hákon EA 148, landaði kolmunna á Neskaupstað í morgun © mynd Bjarni G. 9, mars 2010

                                 1252. Hafberg Grindavík GK 17 © mynd Kr.Ben

                                     1451. Gyllir ÍS 261 © mynd Þór Jónsson