Já þessir bátar eru báðir mjög merkilegir, eins og sést fyrir neðan myndina af þeim

         363. Maron GK 522, elsti stálbátur landsins sem enn er í útgerð og 13. Happasæll KE 94, síðasti Brandenburgar- báturinn sem smíðaður var fyrir íslendinga í Þýskalandi í kring um 1960 © mynd Emil Páll, í Njarðvíkurhöfn, í gær 17. mars 2015 - í dag eru þeir báðir gerðir út af sömu útgerðinni

Starfmenn Skipasmíðastöðvar Njarðvíkur höfðu gaman að því þegar búið var að hífa Vonina KE 10, í gær og hún var orðin ,,öfug". Setningar eins og ,, Sá fyrsti öfugi" í slippnum, eða loksins einn ,,öfugur" fuku milli manna. Ástæðan var auðvitað sú, sem sést á myndunum að báturinn er öfugur miðað við aðra báta í slippnum í dag. Sást það líka á syrpunni sem ég birti í gær

En fyrir utan þetta þá kom í ljós við fyrstu skoðun að báturinn er trúlega ekki mikið skemmdur, þó enn eigi eftir að skoða bátinn nánar.

Sá öfugi: 1631. Vonin KE 10 (þessi guli) í Skipsmíðastöð Njarðvíkur, í gær                                     © myndir Emil Páll, 17. mars 2015

Tjaldanes GK 525, komið til Njarðvíkur, eftir að Grímsnes GK 555, sótti bátinn til Hafnarfjarðar. Verður nú tekið ýmislegt nýtilegt úr bátnum, þar sem ákveðið hefur verið að hann fari í pottinn.

           239. Tjaldanes GK 525, í Njarðvíkurhöfn, í gær © mynd Emil Páll, 17. mars 2015

Þessi bátur hefur staðið vel málaður, tilbúinn utan við vélsmiðju við Grófina í Keflavík nú í nokkur misseri. En eigandi bátsins er íslendingur sem gerir út í Noregi og lét í fyrra taka í gegn og breyta báti hjá Sólplasti, áður en hann fór úr landi og er sá bátur mikill fiskibátur undir stjórn annars íslendings og hef ég nokkrum sinnum greint frá þeim báti. Þessi stendur þó enn við verkstæðið við Grófina í Keflavík

             Nafnlaus ex 6478. Unnur BA 1 - í eigu íslendings í Noregi, í Grófinni, Keflavík, í gær  © mynd Emil Páll, 17. mars 2015

           1434. Þorleifur EA 88, í Grímsey © mynd af vef Akureyrarhafnar, 15. mars 2015

           Varna ST - 44-T, í Havik © mynd MarineTraffic, Sven W. Pettersen, 11. mars 2015

          Sula, í Godya © mynd MarineTraffic, Magnar Lyngstad, 12. mars 2015

Eins og ég sagði frá í gær var mikill áhugi fyrir myndum af Ísleifi VE 63, er hann var drekkhlaðinn á Stakksfirði. Af því tilefni birti ég fleiri myndir sem ég tvisvar í gær myndir af honum sem ég tók.

Í gærkvöldi fékk ég síðan óvænt þessa líka flottu syrpu sem Hannes tók um borð í Sigurði Ólafssyni SF 44, í júlí og ágúst 2010 og þá syrpu birti ég nú og nota tækifærið til að færa Hannesi, kærar þakkir fyrir:

         1610. Ísleifur VE 63 © myndir Hannes  um borð í Sigurði Ólafssyni SF 44, í júlí og ágúst 2010

AF FACEBOOK:

Sigurður Ólafsson Flottar myndir, en nánast eins og að báturinn sé á niðurleið.

          Þrjár til gamans i sjóara stíl frá Tenerife© myndir Tryggvi, í mars 2015

Í morgun kom í Skipasmíðastöð Njarðvíkur stór og öflugur krani frá DS lausnum í Hafnarfirði til að lyfta Voninni KE 10 sem færðist til og hallaði nokkuð eftir óveðrið á dögunum. Tókst síðan í dag að lyfta bátnum upp og setja í rétta stöðu, hvað halla varðar. Til að koma honum á réttan stað var ákveðið að hífa bátinn yfir á sleðann og síðan að taka hann trúlega á morgun rétta leið á þann stað sem hann var áður á.  Við þessa hífingu fór svo að báturinn snýr öðru vísi í slippnum en aðrir bátar þ.e. stefnið snýr niður til sjávar, þegar aðrir bátar hafa stefnið upp í slippinn.

Við skoðun á stöðu bátsins eftir umrætt atvik kom í ljós að hann hefur fyrst lagst á trébátinn Sæljós sem var við hlið hans og síðan farið á stað á ný og lagst á hina síðuna. Spurning er því hversu miklar skemmdir eru á bátnum, en það kemur fljótlega í ljós.

Smá spaugileg afstaða til þessa óhapps, mun ég fjalla um á morgun og kannski eitthvað meira.

Hér birti ég myndir sem ég tók í dag þegar báturinn var hífður til og tvær eftir að kraninn var farinn.

Kraninn kominn á staðinn og 1631. Vonin KE 10, liggur á annari síðunni. 467. Sæljós sem hann lagðist fyrst á, er til vinstri á myndinni                   Hér er farið að hífa í bátinn og til samanburðar við myndirnar fyrir framan                           sést að hann hefur þegar aðeins rétt sig                                             Nú er hann orðinn réttur                  Báturinn aðeins á lofti og verið að færa hann til       Á Sæljósinu sést hvar Vonin kom á bátinn, því það brotnaði úr lunningunni                      Kraninn búinn að færa bátinn nánast í kring um sig                    Hér er báturinn kominn yfir sleðann, sem hann var settur á              Vonin komin á sleiðann og hér sést hvernig                 útbúnar voru festingar fyrir hífinguna                       Báturinn í sleðanum og eins og sést á rauða bátnum við hliðina snýr                                    hann öðruvísi, en það sést betur á næstu mynd             Séð upp í slippinn: 1631. Vonin KE 10, snýr niður eftir, á meðan 1178.                                            Blíða SH 277 snýr uppeftir                              © myndir Emil Páll, í dag 17. mars 2015

             KORSNESJENTA F-202-P, í Hasvik © myndir MarineTraffic, Sven E. Pettersen, 11. mars 2015

AF FACEBOOK:

Guðni Ölversson Dæmigerður Norsari

         GUNNAR LANGVA , í Gisundet © myndir MarineTraffic, Sven W. Pettersen, 13. mars 2015

        Gámur í Siglufjarðarhöfn © myndir Hreiðar Jóhannsson, 15. mars 2015

      ANDENESFISK  I  N-100-M, í Langsundet © myndir MarineTraffic, Sven W. Pettersen, 12. mars 2015

         Jens Karl og Kristján, í Skipasmíðastöð Njarðvíkur © mynd  Ólafur Guðmundsson