2310.  Hannes Þ. Hafstein, út af Keflavík © mynd MarineTraffic, Björgunarsveitin Sigurvon, 9. maí 2009

Í dag kom til Sandgerðis Bolli KE 400 og sá Jón & Margeir um að hífa hann upp og flytja á athafnarsvæði Sólplasts, en þangað var báturinn að fara og verða framkvæmdar ýmsar lagfæringar og endurbætur á honum.

Bátur sá sem Jón & Margeir sótti nýlega til Grundarfjarðar og kom með til Sólplasts, er þar ennþá. En hlutverk Sólplasts var í þessum áfanga að hreinsa hann af því sem brann og er því lokið og þá kom í ljós að plastverkið er lítið sem ekkert skemmt. Báturinn er í eigu tryggingafélags sem fer nú með bátinn í auglýsingaferli og kemur þá í ljós hvað um hann verður.

Hér eru myndir sem ég tók í dag er Bolli var hífður upp og fluttur til Sólplasts og þar sést einnig Siglunesið eins það lítur nú út.


            6996. Bolli KE 400, í Sandgerðishöfn í dag og Jón & Margeir komnir að bátnum


                                         Hífing á Bolla KE, hafin í Sandgerði í dag






                                        6996. Bolla slakað niður í vagninn sem flutti hann






                                         Flutningurinn kominn upp frá Sandgerðishöfn




                              Hér er hersingin komin að athafnarsvæði Sólplasts


                       6996. Bolli KE 400, kominn á athafnarsvæði Sólplasts




                                   Komið á áfangastað og búið að losa vagninn frá


                        6996. Bolli KE 400, við Sólplast í Sandgerði, síðdegis í dag


                              6298. Siglunes SH 22, á athafnarsvæði Sólplasts, í dag


                 6996. Bolli KE 400 og 6298. Siglunes SH 22, við Sólplast, í Sandgerði í dag
                                                    © myndir Emil Páll, 23. maí 2014

Nú næstu daga, eða næstu vikur munu fimm stálskip fara sína síðustu sjóferð og þá yfir hafið í pottinn fræga. Þrír þeirra, Kristrún II RE 477, Fjóla KE 325 og Fram ÍS 25 fara til Belgíu og mund Kristrún II draga hina tvo með sér. Til Danmerkur fara Kristbjörg VE 71 og Portland VE 97 og dregur Kristbjörgin, Portlandið.

Hér fyrir neðan birti ég myndir af öllum fimm skipunum og fyrir neðan hverja fyrir sig koma öll nöfnin sem viðkomandi skip hefur borið hér á landi.

84. Kristbjörg VE 71, í Keflavík  © mynd Emil Páll, 20. jan. 2012 Nöfn: Haraldur AK 10, Gandí VE 171, Guðjón VE 7, Gandí VE 171 (aftur) og Kristbjörg VE 71             219. Portland VE 97, í Vestmannaeyjum © mynd Friðrik Friðriksson, í júní 2013 Nöfn: Víðir II GK 275, Ljósfari GK 184, Njarðvík KE 93, Þorsteinn SH 145, Arney HU 36, Arney HF 361 og Portland VE 97                  245. Fjóla KE 325 í Njarðvíkurhöfn © mynd Emil Páll, 25. júní 2013 Nöfn: Helga Guðmundsdóttir BA 77, Látraröst BA 177, Ásborg RE 50, Ásborg GK 52, Dofri BA 25, Helga Guðmundsdóttir BA 77 (aftur), Helga Guðmundsdóttir SH 108, Þórsnes SH 108, Steinunn Finnbogadóttir BA 325, Steinunn Finnbogadóttir RE 325 og Fjóla KE 325                256. Kristrún II RE 477, í Reykjavík © mynd Sigurður Bergþórsson, 2. nóv. 2011 Nöfn: Ólafur Friðbertsson ÍS 34, Albert Ólafsson KE 39, Albert Ólafsson HF 39, Kristrún RE 177 og Kristrún II RE 477                 971. Fram ÍS 25 , í Njarðvíkurhöfn © mynd Emil Páll 3.  ágúst 2012 Nöfn: Guðrún Guðleifsdóttir ÍS 102, Guðrún Guðleifsdóttir ÍS 364, Boði KE 132,  Boði GK 24,  Eldeyjar-Boði GK 24, Aðalvík KE 95,  Sævík GK 257,  Valur ÍS 82, Guðrún Guðleifsdóttir ÍS 25 og Fram ÍS 25

 

                           7727. Hjörtur Stapi ÍS 134  © myndir Jónas Jónsson, í apríl 2014

         6599. Hamravík ST 79, 6899. Stjarnan ST 52 o.fl. Hólmavík © mynd Jón Halldórsson, nonni.123.is  21. maí 2014

                2433. Frosti ÞH 229, á Siglufirði © mynd Hreiðar Jóhannsson, 21. maí 2014

Að undanförnu hafa margir bátar verið útbúnir til makrílveiða og er algengt að sett sé í þá astik, til að auðvelda leit af fiskinum

Þá er nokkuð um að vertíðarbátar, sem ekki hafa áður verið á makrílveiðum muni nú eiga að fara á þessar veiðar, þó aðrir af þeim stærðarflokki ætli ekki aftur, þó þeir hafi verið á slíkum veiðum. Sem dæmi þá mun Happasæll KE 94 ekki fara á makrílveiðar, en ég hef heyrt veiðibúnaðurinn úr þeim báti hafi verið seldur til að nota um borð í Gunnari Hámundarsyni GK 357, sem á að fara á þessar veiðar. Einnig hefur heyrst að Orri ÍS 180 og Valþór GK 123, fari á makrílveiðar í sumar, þ.e. ef makríllinn lætur þá sjá sig.

Birti ég hér myndir af Gunnari Hámundarsyni, Orra og Valþór

 

500. Gunnar Hámundarson GK 357, kemur inn til Sandgerðis © mynd Emil Páll, 9. feb. 2014              923. Orri ÍS 180, í Sandgerði © mynd Emil Páll, 8. okt. 2013             1081. Valþór GK 123, í Njarðvík © mynd Emil Páll, 1. apríl 2014

Báturinn var í gær tekinn upp í Gullvagninn hjá Skipasmíðastöð Njarðvíkur, en mála á hann þar og hef ég grun um að það verði blái liturinn, sami blær og er á hinum báti útgerðarinnar Pálínu Ágústsdóttur GK 1. Síðan er spurning hvort hann fái ekki nýtt nafn og númer, sem er önnur spurning, þ.e. hvort það verði GK eða EA, því eins og ég sagði frá í gær hefur K&G í Sandgerði sem á báða bátanna, nú keypt frystihús, kvóta og línubátinn Sigga Gísla, sem áður var í eigu Hvamms, í Hrísey.


             2652. Siggi Bjartar ÍS 50, í Gullvagninum, í Skipasmíðastöð Njarðvíkur, í gær © mynd Emil Páll, 22. maí 2014

           6595. Bensi Egils ST 113, ex Bliki SU 24, í Hólmavík © myndir Jón Halldórsson, nonni.123.is  20. maí 2014

                1324. Hrafnreyður KÓ 100, í Njarðvík, í gær © mynd Emil Páll, 22. maí 2014

Þá er sá árvissi atburður orðinn að veruleika, en það er að báturinn komi að vori í Skipasmíðastöð Njarðvíkur til að láta surfusa, þetta glæsilega skip og síðan fer hann ekki aftur niður fyrr en það fer að líða á sumarið.


            1134. Steinunn SH 167, í Skipasmíðastöð Njarðvíkur, í gær © mynd Emil Páll, 22. maí 2014