Já í gær gerðist það að Oyfisk komast á flot eftir langa bið. Það voru 10 dagar í gær síðan teinarnir brotnuðu og báturinn sat fastur kominn hálfa leið niður. Í gær var stærsti straumur og aðstæður hinar bestu. Og í gær var búið að byggja undir loftpúðann sem notaður var til að reyna koma brotnu teinunum saman.





                                                       Séð aftur með honum.

Þar sem slipparanir voru hræddir um að ef þeir næðu ekki sleðanum almennilega á stað myndi báturinn ekki fljóta. Þeir þorðu ekki að hífa bátinn mikið upp því þeir voru hræddir um að brjóta meira þ.e.a.s teinana fyrir ofan einnig. Því fengu þeir bát til að koma og toga í sleðann um leið og þeir myndu slaka honum niður


                                Þá koma John Ivar til sögunar.


                      Verið að setja taug úr vagninum yfir í John Ivar.


                  Spilvélin komin í gang og allt að gerast.


             John Ivar tilbúinn til að hjálpa til og toga og svo eftir nokkrar tilraunir rann sleðinn á stað á   fullir ferð og Oyfisk flaut upp úr honum.


Oyfisk flotinn. mikill léttir bæði hjá síðuritara og að sjálfsögðu eigendum slippsins.

Þá var stefnan bara sett í heimahöfn og þar er báturinn nú loksins tilbúinn til að hefja næsta skerf í áttina að fiskveiðum. 
                    
                © myndir og texti: Jón Páll Jakobsson, en tengill er á síðu hans hér til hliðar
                                        ---   ----     ----

Fyrir þá sem eru búnir að gleyma, eða vita ekki, þá brotnaði sleðinn undir bátnum er verið var að taka hann niður úr slipp í Reipa í Noregi