19.09.2016 06:00

Haukur o.fl. á Húsavík

1292. Haukur o.fl. á Húsavík © mynd Árni Árnason, 2016

Skrifað af Emil Páli

18.09.2016 21:00

Hilmir GK 88 og Hugur GK 177 - endalok

Hér kemur endurbirting frá mér, (birti þetta áður fyrir mörgum mörgum árum)

Eftirfarandi myndasyrpa, fyrir utan myndina frá Snorra af Hug GK, er tekin í maí 1964, er bátarnir Hugur GK 177 og Hilmir GK 88 voru brenndir í Grófinni í Keflavík þann 6. maí það ár. Raunar eins og sést á myndinni virðist aðeins hafa verið brenndur frambyggður bátur. En svo er ekki, heldur höfðu bátarnir staðið uppi í Dráttarbraut Keflavíkur, Hugur frá árinu áður, en Hilmir frá 1957. Var stýrishús á Hug tekið af stæði sínu og fært fram og báturinn fylltur með brakinu úr Hilmir eftir að hann hafði verið brotinn niður. Stóð til að brenna þá í Helguvík, en hætt var við það og tók Týr SH 33 bátinn í tog og dró út á ytri höfnina í Keflavík, sem er nokkuð furðulegt því eftir að hætt var við Helguvíkina sem brunastað var ákveðið að brenna bátana í Grófinni, nokkrum bátslengdum frá sleðanum sem bátarnir voru teknir niður úr slippnum, brennustaðurinn er sami staður og Skessuhellir er á í dag. Sést Týr með bátinn í togi úti á höfninni og eins er honum er komið fyrir í fjörunni fyrir brennuna miklu.
Undir myndunum birtist saga beggja bátanna, en því miður hef ég engar myndir af Hilmi GK 88.

                                  Hugur GK 177 © mynd Snorri Snorrason

    Hér má sjá bátinn Hugur GK 177, búið að færa stýrishúsið fram og fylla bátinn af brakinu úr Hilmir GK 88. Báturinn sem einnig sést á myndinni er 479. Guðmundur Ólafsson KE 48.

        862. Týr SH 33 með Hug GK 177 úti á Keflavíkinni framan við gömlu stokkavörina

    Týr rennir bátnum sem nú skal brenna upp í hellisskútann sem þarna var og er í dag Skessuhellir.

                                         Báturinn í björtu báli, 6. maí 1964

                 Nánast brunninn til kaldra kola © myndir Emil Páll, 6. maí 1964

Hilmir GK 88 var smíðaður í Romsdal, Noregi 1917. Keyptur til landsins tveggja ára gamall og talinn ónýtur 1957.

Nöfn: Real, Soffía VE 269, Tvistur VE 281, Loki VE 281, Óðinn GK 181, Örn RE 86, Aldan SH 88, Hilmir SH 88 og Hilmir GK 88.

Hugur GK 177 var smíðaður í Reykjavík 1916. Ónýtur eftir árekstur 1963.

Nöfn: Draupnir GK 21, Guðrún GK 21, Ágústa VE 250, Ágústa GK 200, Ágústa RE 115, Ágústa MB 37, Ágústa AK 37, Ágústa RE 115, Ágústa HU 11 og Hugur GK 177.

Skrifað af Emil Páli

Tengill á færslu

18.09.2016 20:41

Magnús HU 23, við Vatnsnes, Keflavík

Þessi tvö skjáskot tók ég fyrir nokkrum mínútum af vefmyndavél Hornarfjarðarhafnar er Siggi Bessa SF 97 var að koma til Hornarfjarðar nú kvöld:

Þrátt fyrir að margir makrílbátanna séu hættir á þeim veiðum og farnir heim, er enn mikill fjöldi báta á veiðum við Keflavík, eins og sést á meðfylgjandi skjáskoti sem ég tók af MarineTraffic, núna fyrir nokkrum mínútum: