31.05.2016 21:09

Hollenskt skip kom í gærmorgun með 8 báta innanborðs og fór aftur með þá - 17 myndir

Flutningaskipið Deo Volente, sem smíðað var 2006 og er frá Hollandi kom um kl. 5 í gærmorgun til Njarðvíkur, frá Ítalíu með 8 báta ofan á lestunum, 6 skemmtibáta og 2 vinnubátar. Þrír þessara báta voru hífðir frá borði, þó ekki í land heldur í sjóinn við skipið, því undir lestarlúgunni sem þeir voru, var færanleg malbikunarstöð fyrir Hlaðbæ Colas, sem er að hefja lagningu á nýju slitlagi á brautum Keflavíkurflugvallar. Var stöðin því tekin í land í Njarðvík og ekið með upp á flugvöll.

Skipið fór síðan aftur um 12 tímum eftir komuna, en áður voru bátarnir þrír sem biðu í sjónum, hífðir á lestarlúguna og því eins og sést á sumum myndanna eru þeir komnir þar, er skipið sigldi út og áleiðis til Noregs þar sem bátarnir fara í land. Birti ég 17 myndir með þessari frásögn. Á fimm þeim fyrstu sjást bátarnir sem voru allan tímann á lestarlúgunum, á 6. myndinni sem tekin var við Víkingaheima sjást bátarnir þrír við skipshlið og síðan eru myndir sem ég tók er búið var að hlaða skipið aftur og gera klárt fyrir brottför og í framhaldi af því eru myndir er skipið siglir út úr Njarðvíkurhöfn.

Vakti það þó nokkra athygli að um mjög grunnrista skip var að ræða því það risti aðeins 5 metra með alla þessa hleðslu.

                                                   ---

Þessi frásögn vekur upp minningar um það þegar flutningaskipið Wievke kom til Hafnarfjarðar 10. júlí 2001, með 9 stálbáta sem smíðaðir voru í Kína, einmitt líka á lestarlúgunum. Það skip var 80 daga á leiðinni og til gamans má geta þess að þrír af þessum 9 stálbátum hafa verið seldir úr landi, en hinir eru hér enn og hafa verið ýmist yfirbyggðir og/eða lengdir síðan, m.a. í Skipasmíðastöð Njarðvíkur, en þar er verið að lengja o.fl. einn af Kínabátunum, en sú stöð hefur einmitt gert það við fjóra þeirra, þegar lokið verður við þennan.


 


 


 

 

 


                       Hér sjáum við 5 af skemmtisnekkjunum um borð


      Hér sjást bátarnir þrír sem settir voru í sjóinn meðan malbikunarstöðin var tekin upp


 


           Hér eru allir 8 bátarnir komnir um borð og verið að gera sjóklárt


 


 


                      Hér er verið að gera klárt til að sleppa skipinu


                                        Bakkað frá bryggjunni í Njarðvík


 

                                     Siglt út úr Njarðvíkurhöfn

 

 


 

 
            Deo Volente, í Njarðvík, í gær © myndir Emil Páll, 30. maí 2016