Við lengingu á bátunum um þrjá metra fara þeir úr 21,5 metra lengd í 24, 5 metra. Þar með eru þeir hálfum metri lengri en hagstætt er af ýmsum ástæðum. Eitt dæmið er að skip stærri er 24 metra langt mega ekki veiða i Bugtinni og ýmislegt annað.

Lengingin gerir stærri lest, meira vinnupláss, auk þægilegri bát og því var tekin ákvörðun um að taka 50 sentimetra af stefni bátsins, sem gerir bátanna að vísu kubbslegri að framan en annað ætti að vera í góðu lagi. Eftir þessar breytingar eru bátarnir því 24,0 metra langir og geta haldið sig áfram í Bugtinni og annað sem skiptir máli breytist ekki.

Það skal tekið fram að ef ég man rétt hafa flestir svokölluðu Kínabáta, þ.e. þeirra sem komu með flutningaskipi til Hafnarfjarðar beint frá Kína, fljótt upp úr aldarmótunum síðustu og mælast tæp 100 tonn farið í breytingar, ýmist lengingu eða yfirbyggingu. Að vísu voru þrír þeirra seldir úr landi, þar af voru tveir aldrei gerðir út hérlendis. Man ég aðeins eftir einum Kínabáti sem ekki hefur farið í breytingu, þ.e. eftir að bæði Benni Sæm og Siggi Bjarna hafa farið í gegn um þann feril.

Hér koma þrjár myndir sem ég tók af stefninu á Benna Sæm, sem á eftir að breytast mikið. Mun ég fylgast með þeim breytingum þegar að þeim kemur. Það er annars að frétta að í dag var sami krafturinn og verið hefur undanfarna daga við að ganga frá lengingunni, þó lítið hafi verið fyrir myndavélina í dag, enda þarf að sjóða mikið og gera klárt áður en eitthvað sést, en það verður örugglega næstu daga og síðan þegar búið verður að koma öllu járninu fyrir utan á skrokknum er lítið til að fylgjast með fyrr en báturinn nálgast þann tíma sem allt verður búið.

Stefnið á 2430. Benna Sæm GK 26, eins og          það leit út í dag © myndir Emil Páll, 23. okt. 2014   AF FACEBOOK: Þráinn Jónsson Fréttir úr Skipasmiðastöð Njarðvíkur.