Af vef Landsbjargar, í morgun:

Laust fyrir miðnætti í gærkvöldi var björgunarsveitin Strönd og björgunarskip Slysavarnafélagsins Landsbjargar Húnabjörg kölluð út vegna rúmlega sex tonna báts er strandað hafði rétt norðan við Skagaströnd. Einn maður var um borð og sakaði hann ekki og enginn hætta á ferðum enda veður gott á strandstað. Fljótlega varð ljóst að ekki yrði hægt að draga bátinn á flot fyrr en með flóði og því ákveðið að fresta aðgerðum þar til fallið væri að en hálf fallið var út er báturinn strandaði. Báturinn var síðan dreginn af strandstað um klukkan níu í morgun og gekk það vel og ekki að sjá miklar skemmdir fyrir utan skrúfu og stýri og ekki varð vart við leka.

Á strandstað við Skagaströnd í morgun © mynd Landsbjörg, 9. sept. 2014