Eins og margir muna tók Siggi Gísla EA 255 upp á því að reka mannlaus frá bryggju í Keflavíkurhöfn, út á höfnina og þaðan upp í fjöru, þar sem honum var að lokum bjargað, en stórskemmdum. Báturinn var dreginn til Njarðvíkur, þaðan lyft upp á bryggju af Jóni & Margeir og að lokum dregin til Sólplasts í Sandgerði með Gullvagninum. Þegar báturinn var þangað kominn var tekin sú ákvörðun að vél og annar tækjabúnaður sem skemmdist var tekinn upp úr bátnum og sendur í viðgerð, en sjálf viðgerðin á plastverkinu og öðru tilheyrandi myndi bíða, þar til færi gæfist hjá Sólplasti. Nú er sú stund komin og því var báturinn hífður í dag upp á vagn og þaðan inn í hús. Af ýmsum ástæðum voru ýmsir vankantar þar á, en allt gekk þó upp að lokum, en þar komu við sögu Margeir hjá Jóni & Margeiri, Kristján Nielsen hjá Sólplasti og fleiri.

Tók ég stóra syrpu í dag og sýni hana nú alla.

2775. Siggi Gísla EA 255, kominn inn hjá Sólplasti, Sandgerði. Á myndunum sjást einnig Jón & Margeir úr Grindavík, auk Kristjáns Nielsen í Sólplasti o.fl. © myndir Emil Páll, 9. sept. 2014