Láta mun nærri að samið hafi verið um ný­lega eða smíði sé í gangi á fimm fiski­skip­um fyr­ir ís­lensk út­gerðarfyr­ir­tæki fyr­ir yfir 13 millj­arða króna.

Vinnslu­stöðin í Vest­manna­eyj­um og Hraðfrysti­húsið–Gunn­vör í Hnífs­dal sömdu ný­lega um smíði á tveim­ur ís­fisk­tog­ur­um. Kostnaður við smíði hvors skips er áætlaður hálf­ur ann­ar millj­arður, að því er fram kem­ur í Morg­un­blaðinu í dag.

HB Grandi samdi í fyrra­haust um smíði tveggja skipa hjá Celiktrans-skipa­smíðastöðinni í Tyrklandi til veiða á upp­sjáv­ar­fiski og verða skip­in af­hent á næsta ári. Samn­ing­ur­inn hljóðaði upp á um sjö millj­arða króna. Þá fær Ísfé­lagið í Vest­manna­eyj­um nýtt skip af­hent á næst­unni, en það er einnig smíðað í Tyrklandi.