Eins og ég sagði í færslunni hér á undan þá fór Gullvagninn í tvær ferðir í morgun með báta sem teknir voru upp í Njarðvík. Allt varðandi fyrri ferðina kom fram í færslunni hér á undan, en nú er það seinni ferðinn sem hófst um kl. 10 í morgun og lauk um kl. 16 í dag.

Hér var á ferðinni Guðný ÍS 170, sem lengi hét Vilborg GK 320, en hefur nú verið seld íslendingi sem gerir út frá Noregi. Hefur hann samið um það við Sólplast að þeir smíði á hann síðustokka og geri við sitthvað meira, áður en hann fer í skip þann 21. maí nk. og því hafa þeir í raun ekki nema 15 daga til verksins. Strax kom upp sá grunum að taka þyrfti niður ýmsilegt sem væri uppi á bátnum, svo hann væri ekki of hár fyrir húsnæði Sólplasts og fékk útgerðinn fagaðila í Reykjanesbæ til að fjarlægja það og átti hann að gera það áður en báturinn yrði fluttur til Sandgerðis.

Ekkert varð af því, heldur mætti hann þegar báturinn var kominn til Sandgerðis og hlutust því nokkrar tafir af því, en meira um það aðeins síðar.

Um kl. 10 í morgun tók Gullvagninn hjá Skipasmíðastöð Njarðvíkur bátinn og kom með hann á land og fyrsta var að þrífa á honum botninn áður enn hann færi til Sandgerðis, sú vinna tók skemmri tíma en slippmenn hefður áætlað og því hófst ferðin til Sandgerðis fyrir kl. 13 og því verður ekki neitað að mér brá nokkuð við þegar ég sá bátinn koma eftir Ægisgötunni í Keflavík í Gullvagninum, en ákveðið hafði verið að kanna hvort ekki væri heppilegra að flytja hann þá leið og þá út í Gróf og síðan leiðina í átt að Helguvík, en beygja þó út af áður en svo langt væri komið og fara þá upp á Sandgerðisveg. Voru menn mjög ánægðir með þessa breytingu á leiðinni suður í Sandgerði, frá því sem áður hefur verið farið.

Er komið var út í Sandgerði kom fram að báturinn var of hár og því þurfu þeir sem áttu að vera búnir að fjarlægja ýmislegt af þaki bátsins að taka til hendinni og ekki bara það því hann var breiðari en haldið var og kom því í ljós þegar hafist hafði verið um að bakka honum inn í hús hjá Sólplasti að of þröngt yrði um hann og því var honum ekið aftur út og bakkað inn í annað hús og þar komst hann allur inn. En þessar tafir hafði þær afleiðingar að báturinn var ekki kominn á sinn stað fyrr en um kl. 16.

Hvað um það hér kemur löng syrpa frá deginum í dag varðandi Gullvagninn og 2632. Guðnýju ÍS 170.


              Þessa mynd tók ég rétt fyrir kl. 10, í morgun, er báturinn var kominn að upptökubryggjunni, í Njarðvík


          Eftir smá töf sem stafaði af því að verið var að losa Gullvagninn af fyrri bátnum sem tekinn var á land í morgun, hófst verið á ellefta tímanum í morgun




















              Hér er beygt upp með skrifstofuhúsnæðinu svo hægt sé að bakka að þeim stað sem hreinsa átti botn bátsins






                                    Hér er Gullvagninn farinn að bakka með bátinn


               Hér hætti ég að fylgjast með, þar sem ég vissi að næst yrði hann þrifinn


             Hér er ekið með bátinn fyrir neðan Kaffi Duus og því um hafnarsvæðið í Grófinni




                                            Þarna má sjá hinn fræga Skessuhellir


                            Þetta er falleg sjón að aka meðfram Grófinni




                  Hér er komið út í Sandgerði að athafnarsvæði Sólplasts og lögreglufylgd sem var með alla leiðina, lauk þar með.


                                         Þá er bakkað inn á svæði Sólplasts


                   Bakkað er beint að því húsnæði sem menn héldu að passaði


              Fagmenn eru mættir og farnir að losa það sem þurfti að losa áður en báturinn færi inn


                                    Hér sjá menn að báturinn er í raun of breiður


                      Þá er keyrt út aftur og undirbúið að fara í næsta bil sem er stærra




                Þá er að bakka inn í hitt bilið og gekk það mun betur, en þó þurftu fagmennirnir að grípa í annað slagið og fjarlægja meira en þeir héldu í upphafi


                 Hér er Kristján Nielsen farinn að hjálpa til við að taka af þakinu hluti sem eru fyrir



             Hér er Gullvagninn búinn að ljúka verki sínu og báturinn kominn inn


                2632. Guðný ÍS 170 kominn inn og nóg pláss til að gera það sem gera þarf og meira segja hægt að loka hurðinni að húsinu  © myndir Emil Páll, í dag 5. maí 2014

AF FACEBOOK:

Emil Páll Jónsson Jú, þetta er sputnik sem lengi vel var gerður út frá Grindavík, bæði undir nöfnunum Eyrarberg GK og Vilborg GK og Halli Grímseyingur hefur nú keypt til Noregs.

Guðni Ölversson Eyrarberg hét hann þegar Baldur fékk hann nýjan. Það var nafnið sem ég mundi ekki um daginn. Ölver var á þessu priki með Baldri og lét vel af.