27.10.2013 10:27

Týr gerður út frá Akureyri

mbl.is:

"Við höfum ákveðið að varðskipið Týr verði gert út frá Akureyri í vetur, enda hefur staðið til í nokkuð langan tíma að skipið verði staðsett fyrir norðan. Við þetta bætist að nokkrir í áhöfn Týs eiga heima á Norðurlandi,  þannig að það er margt sem mælir með þessari ákvörðun," segir Georg Lárusson forstjóri, Landhelgisgæslu Íslands, í samtali við Vikudag á Akureyri.

Haft er eftir Georgi, að ákvörðunin um Týr verði gerður út frá Akureyri tengist ekki með beinum hætti vangaveltum um að Landhelgisgæslan taki hugsanlega við yfirstjórn sjúkraflutninga í landinu.

"Taki Landhelgisgæslan við sjúkrafluginu þarf jafnframt að skoða uppbyggingu flugdeildar stofnunarinnar. Meðal annars hefur verið rætt um að staðsetja þyrlu á Akureyri og okkar vilji stendur sannarlega til þess," segir Georg ennfremur í samtali við Vikudag.


                             1421. Varðskipið Týr á siglingu í Eyjafirði. mbl.is/Árni Sæberg