Þann 12. september sl. lagðist báturinn Keilir AK 4, að bryggju í Njarðvík þar sem von var á því að Gullvagninn hjá Skipasmíðastöð Njarðvikur myndi fljótlega flytja hann yfir Miðnesheiði og til Sólplasts í Sandgerði. Þar átti að byggja að hluta til yfir bátinn, en áður en framkvæmdum var lokið var tekin sú ákvörðun að byggja alveg yfir hann og nú er farið að sjá fyrir endan á þeim framkvæmdum.

Samkvæmt vef Fiskistofu, hét báturinn í raun Óli G. ÍS 112, með heimahöfn á Flateyri, þegar hann var tekinn á land, en nú hefur því verið breytt og í dag heitir hann Óli G. HF 22, með heimahöfn í Hafnarfirði.

Hér birti ég myndir sem ég tók í Sólplasti í dag, en þau eins og sést er ekki alveg búið að steypa upp í hann að aftanverðu en það er ekki langt í að því ljúki. Þá birti ég til samanburðar mynd sem ég tók af honum við bryggju í Njarðvíkurhöfn áður en hann var tekin þar á land. Endanlegt útlit fáum við ekki að sjá fyrr en framkvæmdum er lokið og báturinn er kominn út úr húsi, hjá Sólplasti í Sandgerði.


            2604. Keilir II AK 4, bíður þess í Njarðvíkurhöfn að verða fluttur fyrir til Sandgerðis með Gullvagninum. Mynd tekin 12. sept. 2013


               

            Eins og sést er ekki alveg búið með yfirbygginguna, þó hún sé langt komin


                        Þeir Kristján Nielsen og Markó spá í spilin inni í yfirbyggingunni


                Væntanlegur 2604. Óli G. HF 22, stendur að hluta til út úr húsinu hjá Sólplasti © myndir Emil Páll, 12. september og 24. október 2013