08.08.2013 10:20

Sæhrímnir KE 57 (yngri) nýr

Þó um íslenska stálsmíði hafi verið að ræða gekk þessi bátur ekki nema í tæp 20 ár og gekk illa að farga honum, þó það tækist að lokum með aðstoð varðskips.


              261. Sæhrímnir KE 57, nýr í Keflavíkurhöfn © mynd Emil Páll, 1964

Smíðanúmer 3 hjá Stálvík hf., Arnarvogi, Garðahreppi (nú Garðabæ) 1964, eftir teikningu Ágústs G. Sigurðssonar. Lengdur í slippnum í Reykjavík, af Stálvík hf. í febrúar 1966. Úrelding 1984.

Gerð var tilraun til að draga bátinn ásamt fleirum út til Grímsby í Englandi til niðurrifs. Er skipalestin var stödd milli Færeyja og Íslands slitnaði báturinn frá hinum. Varðskip sótti þá bátinn og dró inn í Hvalfjörð. Þann 1. janúar 1985 var hann dreginn í Eiðsvík við Geldinganes. Síðar var honum sökkt 4. júní 1985, djúpt út af Reykjanesi.

Nöfn: Sæhrímnir KE 57, Sæhrímnir SH 40, Jónas Guðmundsson SH 18 og Ögmundur ÁR 3