Einu sinni þegar Geir Garðarsson var með bátinn og var nýbúinn að sleppa frá bryggjunni á Fáskrúðsfirði, lóðaði hann á síldartorfu og var strax kastað á þó þeir væri nánast alveg uppi í landsteinum og viti menn, þeir fylltu bátinn og gáfu tveimur öðrum úr nótinni.

Hér kemur myndasyrpa sem Jón Páll Ásgeirsson tók við þetta tækifæri en myndirnar eru í eigu Geirs Garðarssonar og á sumum þeirra sést m.a. hvað stutt er í land.





















               1061. Haförn RE 69, á síldveiðum á Fáskrúðsfirði © myndir í eigu Geirs Garðarssonar, ljósm.: Jón Páll Ásgeirsson - á myndum nr. 3. 4. og 5. má sjá ströndina efst í horninum, en myndirnar eru í raun teknar hallandi.


Smíðanúmer 8 hjá Stálvík hf., Arnarvogi, Garðahreppi 1967-1968 eftir teikningu Ágústs G. Sigurðssonar. Hljóp af stokkum 2. des. 1967. Lengdur og yfirbyggður hjá Slippstöðinni hf., Akureyri 1976. Seldur til Danmerkur í niðurrif 2006.

Var eitt fyrsta skipið á Íslandi sem búið var Atlas fiskigeisla, en tækið var í mjög fáum íslenskum skipum 1981.

Njörður hf., Sandgerði stóð í samningum um kaup á skipinu í maí 1996, en upp úr þvi slitnaði.

Nöfn: Eldey KE 37, Pétur Jónsson KÓ 50, Pétur Jónsson RE 69, Haförn RE 69, Sighvatur Bjarnason VE 81, Sigfús Bjarnason VE 181, Sólfell VE 640, Kambaröst SU 200, Sólfell EA 314 og Birtingur NK 119.