23.01.2013 12:04

Norsk loðnuskip tekið að ólöglegum veiðum út af Austfjörðum í gærkvöldi



                  1421. Týr, í Neskaupstað © mynd Bjarni Guðmundsson, 8. jan. 2013

Af vef Landhelgisgæslunnar:

 

Varðskipið Týr vísaði í gærkvöldi norska loðnuveiðiskipinu Manon til hafnar á Eskifirði fyrir meintar ólöglegar veiðar eftir að varðskipsmenn fóru um borð til eftirlits. Skipið sigldi að fyrirfram tilgreindum eftirlitsstað á miðunum fyrir austan land á leið út úr íslensku efnahagslögsögunni. Þar fóru varðskipsmenn um borð til eftirlits með skráningum veiða og afla.  Mælingar varðskipsmanna leiddu í ljós að afli um borð virtist vera talsvert umfram þau 600 tonn sem skipið hafði tilkynnt um að það hefði veitt innan íslensku efnahagslögsögunnar.

 

Eftir samráð við fulltrúa í atvinnuvega- ognýsköpunarráðuneytinu var skipinu vísað til hafnar og fylgdi varðskipið skipinu. Málið verður í framhaldinu rannsakað af lögreglu í samvinnu við Landhelgisgæsluna.