16.12.2012 21:23

Stefnir í gríðarlegt umhverfisslys í Kolgrafafirði

Skessuhorn í dag:

Síldin í fjörunni neðan við Eiði í Kolgrafafirði í gær. Ljósm. Róbert A Stefánsson.
Síldin í fjörunni neðan við Eiði í Kolgrafafirði í gær. Ljósm. Róbert A Stefánsson.
 
 
Nú um helgina fóru menn úr Grundarfirði á báti inn á Kolgrafafjörð og könnuðu ástand síldarinnar í firðinum. Samkvæmt heimildum Skessuhorns fundur þeir gríðarlegt magn dauðrar síldar á botni fjarðarins en ekkert líf. Hluti af síldinni hefur rekið á land og fyllir nú allar fjörur, eins og sjá má á meðfylgjandi mynd sem Róbert A Stefánsson náttúrufræðingur íStykkishólmi tók í gær í fjörunni neðan við Eiði. Eins og fram kom á vef Skessuhorns sl. fimmtudag var áætlað eftir mælingar í liðinni viku að um eða yfir 300 þúsund tonn hafi þá verið í firðinum. Ef rétt reynist að síldin hafi öll drepist stefnir í gríðarlegt mengunarslys með tilheyrandi hættu t.d. fyrir fugl og annað lífríki í og við fjörðinn. Vísindamenn hafa enn ekkert geta fullyrt um ástæður síldardauðans, en sýnilega sýkingu er ekki hægt að sjá á dauðu síldinni.
 
 
 
 
 
 
 
 
 
 
 

AF Facebook:

Sigurbrandur Jakobsson Hefði verið nær að leyfa sem mestar veiðar á síldini fyrst svona fór en það er auðvelt að vera vitur eftirá