03.04.2012 14:20

Ísbjörn ÍS kominn til hafnar

bb.is:

Rækjutogarinn Ísbjörn ÍS, sem nýlega var keyptur af rækjuvinnslunni Kampa ehf. og útgerðarfélaginu Birni ehf., kom til hafnar á Ísafirði á sunnudag eftir þriggja vikna prufu veiðiferð þar sem reynt var á skipið og búnað þess. Fram kom á vef BB í síðustu viku að skipið hafði legið í slipp í Reykjavík síðan í nóvember, en komið til Ísafjarðar í byrjun febrúar.

Samkvæmt upplýsingum frá heimasíðu Kampa kom ekkert stórvægilegt upp á í túrnum, utan þess að skipið þurfti að láta laga spilbúnað á Akureyri. Eitt og annað þarf þó að yfirfara og laga og því verður skipið á Ísafirði næstu daga, þar til það eftir út á sjó eftir páska. Aflinn í þessum prufutúr Ísbjarnarins var tæp 80 tonn, sem að mestu leyti var iðnaðarrækja sem fer til vinnslu hjá Kampa.


                      2276. Ísbjörn ÍS 304, í Ísafjarðarhöfn © mynd bb.is. 2012