"Þar sem núgildandi samningur milli Eimskips og Vegagerðarinnar um rekstur Herjófls rennur út 30. apríl næskomandi neyðumst við til að segja upp öllum samningum sem Eimskip hefur gert varðandi Herjólf og afgreiðslur hans," sagði Gunnlaugur Grettisson, rekstrarstjóri Herjólfs í Vestmannaeyjum. Í allt nær þetta til um 40 starfsmanna.
02.02.2012 15:40
Öllu starfsfólki Herjólfs sagt upp
eyjafrettir.is:
- Í allt um 40 manns - Setur fólk í erfiða stöðu og skapar eðlilega óöryggi, segir Gunnlaugur Grettisson, rekstrarstjóri
"Nú hefur þessi vinna verið unnin, þ.e. fyrir mánaðamót var búið að segja upp öllum samningum við starfsmenn, birgja og þjónustuaðila Herjólfs og tekur uppsögnin gildi 1. maí 2012. Ríkið stefnir að því að bjóða verkefnið út á næstu vikum með það fyrir augum að nýr samningur taki gildi 1. maí 2012 og gildi þar til ný ferja verður tekin í notkun árið 2015."
Gunnlaugur segir þetta setja starfsmenn í erfiða stöðu og skapi eðlilega óöryggi hjá starfsfólki.
"Auðvitað hefur maður verulegar áhyggjur af því að rót komist á þennan góða hóp sem við erum með í dag og fólk fari, í ljósi óvissunnar, til annarra starfa á sjó eða landi," sagði Gunnlaugur.
Skrifað af Emil Páli
