bb.is:

Áhugamannafélagið sjá fyrir sér bátasýningu í tengslum við höfnina á Reykhólum. Mynd: mbl.is.

Gamla flugskýlið af Patreksfjarðarflugvelli verður notað til að hýsa gamla báta við höfnina á Reykhólum nái hugmyndir áhugamannafélags um Bátasafn Breiðafjarðar fram að ganga. Hætt var að nota skýlið fyrir mörgum árum, en áhugamannafélagið keypti skýlið, sem er 550m² að stærð fyrir um ári. Hafliði Aðalsteinsson, formaður áhugamannafélagsins, segir í samtali við Morgunblaðið að frá upphafi hafi verið ætlunin að reisa skýlið á Reykhólum. Hafliði segir að forsvarsmenn sveitarfélagsins hafi verið jákvæðir þegar það var nefnt að reisa bátaskýlið á fyllingu sem gerð var í tengslum við nýjan varnargarð sem byggður hefur verið við höfnina. Félagið sótti um byggingarlóð til sveitarfélagsins og hefur það samþykkt að finna lóð undir skýlið og að fram fari vinna við skipulagsuppdrátt.