Þriðjudaginn 6. september síðast liðinn færði Kristinn Benediktsson, ljósmyndari og útgefandi, Kr. Ben., Landspítalanum Háskólasjúkrahúsi við Hringbraut vegalega ljósmyndagjöf en þá voru liðin nákvæmlega 8 ár frá því að hann var skorinn fyrst upp eftir að hafa greinst með ristilkrabbamein. Kristinn hefur síðan verið skorinn upp fimm sinnum og þá síðast í sumar er hann greindist í fjórða skipti með krabbamein. Í ræðu sem Kristinn flutti við athöfnina að viðstöddum ættingjum og starfsfólki spítalans lét hans þess getið að hann stæði í mikilli þakkarskuld við starfsfólk spítalans fyrir frábæra þjónustu og umönnun í öll skiptin.


Netaveiðar: Skúmur GK frá Sandgerði á netaveiðum á vetrarvertíð 1996 grunnt út af Stafnesi á Reykjanesi. 


Loðnuveiðar: Háberg GK frá Grindavík á loðnuveiðum 1995 í Grindavíkurdýpi. Hér er nótin lögð niður og gerð tilbúin fyrir næsta kast. 
 

Á snurvoð: Hafið bláa, hafið! Aðalbjörg II. RE veiðir í snurvoð á Faxaflóa haustið 1994.


Trollveiðar: 20 tonna hal tekið inn á togaranum Verði EA frá Grenivík sem var að toga trollið grunnt út af Reykjanesi vorið 2011. 
 

Beitukóngsveiðar: Arngrímur, skipstjóri á Garpi SH frá Grundarfirði, tekur á móti beitukóngsgildru og réttir hana við á vinnuborðinu haustið 2006. 


 Línuveiðar: Baujan látin fara á línubátnum Sturlu GK frá Grindavík er línan var lögð í Seyðisfjarðardýpi á Austfjarðarmiðum haustið 2006.

                        Gefið 6. sept. 2011 © myndir og texti Kristinn Benediktsson