Eins og sagt var frá hér á síðunni í morgun fékk áhöfnin á Oddgeiri EA 600 þriggja mastra kanadíska skútu í trollið á Faxaflóa í gær. Skútan kom upp í heilu lagi en brotnaði svo og sökk aftur. Hins vegar varð ýmsilegt úr skútunni eftir í veiðarfærum Oddgeirs EA. Komið var með þá muni til Grindavíkur í kvöld. Meðal muna sem komu í trollið var myndamappa með fjölda ljósmynda sem hafa náð að varðveitast á hafsbotni síðan árið 2004 þegar skútan fórst. Tveir menn voru á skútunni. Þyrla Landhelgisgæslunnar náði til þeirra á sínum tíma en aðeins annar þeirra lifði slysið af.
Hilmar Bragi Bárðarson, fréttastjóri Víkurfrétta tók á móti Oddgeiri er hann kom til Grindavíkur í kvöld og er það sem fram kemur hér að ofan unnið úr frásögn hans á vefnum vf.is, en að auki tók hann þessar myndir.








   1039. Oddgeir EA 600 við komuna til Grindavíkur í kvöld, ásamt því sem varð eftir af skútunni í trolli bátsins © myndir Hilmar Bragi Bárðarson, 5. maí 2011