Hópur að sögn vitna, mættu um 20 manns, sem saman stóð af starfsmönnum Fiskistofu, þ.m.t. lögfræðingi stofunarinnar, rannsóknarlögreglumönnum af Suðurnesjum o.fl. um borð í Erling KE 140 sl. föstudag. Mjög erfitt hefur verið að fá að vita hvað í raun var á ferðinni, en þó er ljóst að skipið kom með rúmlega 50 tonna afla úr 6 trossum. En hvað sem því líður þá hefur heyrst að lagt hafi verið hald á tölvur um borð í bátnum, tölvur í fórum skipverja, svo og í fórum helstu útgerðaraðila skipsins. Einnig ber hátt umræða milli manna, sem ekki hefur heldur fengið staðfest, en það er að símar skipshafnarinnar hafi verið hleraðir um tíma, sé svo er ljóst að hér er um að ræða meira mál, en snýst að þessum afla sem hann kom með að landi þennan ákveðna dag, því til að fá að hlera síma, þarf dómsúrskurð.