03.04.2011 10:00

Skipstjóri bjargaði bátnum sínum: "Ef við deyjum þá gerum við það saman"

dv.is:

- Silgdi til móts við tuttugu metra háar öldur

Susumu Sugawara fór fulla ferð áfram á móti flóðbylgjunum.

Susumu Sugawara fór fulla ferð áfram á móti flóðbylgjunum. CNN

  • Eyðilegging á Oshima-eyju.

    Eyðilegging á Oshima-eyju. CNN

Japanskur skipstjóri silgdi á móti fljóðbylgjunum sem skullu á Japan til þess að bjarga skipi sínu. "Ég talaði við bátinn minn og sagði: Við höfum verið saman í 42 ár. Ef við lifum eða deyjum þá gerum við það saman. Eftir það stillti ég á fulla ferð áfram," sagði hinn 64 ára gamli skipstjóri, Susumu Sugawara.

Þegar flestir íbúar á eyjunni Oshima í Japan flúðu upp til hæða fór Susumu rakleiðis niður að höfn. Hann leysti landfestar og silgdi skipi sínu, "Sólblóminu", til móts við ógnarháar öldurnar. Hans var eina skipið við Oshima-eyju sem eyðilagðist ekki.

"Ég vissi að ef ég myndi ekki bjarga bátnum mínum þá yrðu eyjaskeggjar strandaglópar hér og við yrðum í vanda," sagði Susumu við fréttastofu CNN. Hann silgdi til móts við öldur sem voru allt að tuttugu metra háar.

"Ég fór upp ölduna líkt og fjallshlíð. Svo loks þegar ég taldi mig vera kominn á toppinn reyndist hún vera ennþá stærri," sagði Susumu um fyrstu ölduna. Hann sagðist óviss um hvort að flóðbylgjurnar hafi verið fjórar eða fimm, en hann hafi á endanum komist yfir þær allar.

Toppur öldunnar slóst í sífellu ofan á bátinn hans, en Susumu hélt staðfastlega áfram. "Ég lokaði augunum og mig svimaði nokkuð. Þegar ég opnaði þau aftur sá ég sjóndeildarhringinn. Ég vissi þá að ég hafði komist af." Susumu hefur síðan þá ferjað fólk til og frá eyjunni en um 3.500 manns íbúar eru þar.

Þá ferjar hann einnig vistir á bátnum sínum, sem var eina tenging eyjaskeggja við meginlandið fyrstu vikuna eftir flóðbylgjurnar . Um 20 manns komast fyrir í bátnum hans og hann fer ferðir á um klukkutíma fresti. Allt þetta gerir hann án endurgjalds, en þeir sem geta greiða um 300 jen í eldsneytiskostnað, rétt rúmlega 400 krónur.