31.10.2010 14:39

Úr norran garðanum í borg óttans

Laugi sendi mér rúmlega 30 myndir sem hann tók í Reykjavíkurhöfn í morgun og með myndunum fylgdi skemmtilegur formáli sem ég ætla að leyfa lesendum að lesa og síðan koma tvær myndir og hinar komar koll af kolli.                                                    

Sæll Meistari Emil.

Ég sendi þér nokkrar myndir frá því í morgun og var að leika mér smá með morgunsólina,en mikið skelfing er RVK höfn tóm og eitthvað eyðileg,nánast ekkert líf.

Ég tók myndir af Bylgju VE sem liggur hér við bryggju,en samkvæmt síðuni hans Tryggva þá er sú saga þrautseig að búið sé að segja allri áhöfninni upp og að skipinu verði lagt frá om með 1 feb á næsta ári,en upp á síðkastið hefur hún landað í Rvk og Hf,en það orsakast kannske af því að Óskar Matt skipstjóri og sonur Matta Óskars býr í Rvk og það henti honum betur að landa hér en heima í eyjum,enda á meðan ég var á skipinu voru langflestir úr áhöfninni ofan af landi.en það var á meðan hún var á frystingunni.

Eins er þarna mynd af Núma RE sem er orðin að túrhestabát,en það er gaman að sjá hversu vel hann hefur verið skveraður og snyrtileg á dekki.

En svo voru kafarar að störfum við Kristrúnu RE 177,ég reyndi að spyrja en fékk ekkert svar um hvað þeir væru að gera,en það var einn kafari niðri við aftanvert skipið.

Freri (Stóri tómur) lá við olíubryggjuna,sennilega að taka olíu.

Annar var lítið að sjá í borg óttans í morgun og kaldranalegt um að litast í miðborginni,en sóðaskapur næturlífsins var töluverður og plastglös og fl fjúkandi um göturnar,fáir á ferli nema stöku túrhestur sem fékk myndavélakast þegar ég ók framhjá á Pattanum og tíkin tjáði álit sitt á tilverunni út um afturgluggann.

Það var kalt og hálfgerður norðan garri í borgini og mannlífið eftir því,Sundahöfn var tóm og eins inni við Holtagarða,aðeins öðruvísi en á tímum stórveldisdrauma útrásrvíkinga,enda hefur starfsmönnum Eimskips fækkað úr 15000 í 1250 samkvæmt fréttum í vikunni,trúlega svipað hjá Samskip,enda bæði fyrirtækin hætt að gleypa heimin.

Kveðja úr norðan garranum í borg óttans

Laugi

                                             - 256. KRISTRÚN II RE 477 -




   256. Kristrún II RE 477, í Reykjavíkurhöfn í morgun og á neðri myndinni sést einnig 2503. Herkúles © myndir Laugi 31. okt. 2010