30.06.2010 23:39

Venture -listisnekkja í heimsókn


                    Venture í Reykjavíkurhöfn © mynd Emil Páll, 30. júní 2010

Af vef Faxaflóahafna:

Tony Fleming, frá Costa Mesa í Kaliforníu, heimsótti Reykjavík á VENTURE lystisnekkjunni fyrir nokkrum dögum. Tony Fleming á og rekur Fleming Yachts bátasmiðjuna og er hér í heimsókn til að láta reyna á sjóhæfni bátsins.  

Tony segist framleiða 18 slíka kostagripi á hverju ári en játar að kreppan hafi haft nokkur áhrif á söluna en Ventura kostar fullbúin um það bil 450 milljónir króna.  Kaupendahópurinn er aðallega eldri hjón sem hafa það sem þarf; peninga og tíma til að nota lystisnekkjuna.

Í samtali við tíðindamann Faxaflóahafna  sagði Tony að heimsóknin til Reykjavíkur væri hluti af ferð hans og félaga, George Sass, blaðamanns og ljósmyndara, um Evrópu. Aðalerindi þeirra er að kynna Venture  á bátasýningunni Í Dusseldorf, og Hamborg og í ágústmánuði verður skipið til sýnis í tengslum við Southampton sýninguna. 

Tony hyggst sigla frá Reykjavik umhverfis Ísland og skoða landið af sjó en síðan er ferðinni heitið aftur til Evrópu þar sem hann vonast til að finna kaupanda að snekkjunni.