Nú í nokkur misseri hefur báturinn Jónsnes BA 400 staðið við fiskverkunarhús í Sandgerði, en fyrir stuttu var báturinn seldur og eftir smá lagfæringu hjá Sólplasti var báturinn sjósettur í kvöld. Þar gerðist það að á mynd náðist er seljandi og kaupandi ákváðu að botnmála restina, er búið var að lyfta bátnum af flutningavagninum og nokkrum mínútum áður en hann fór í sjó. Síðan gerðist það óvænta að um leið og báturinn var kominn í sjó, kom inn báturinn Jóhanna GK 86. En þessir tveir bátar eru systurskip, bæði smíðuð í Vestmannaeyjum, annar 1987 en hinn 1989. Að vísu búið að breyta báðum, en voru þó systurskip í upphafi.  Nánar kemur þetta fram á myndasyrpunni er ég tók í Sandgerði í kvöld.


     6894. Jónsnes BA 400 kominn á loft og seljandi og kaupandi farnir að lagfæra


      Hér sést betur það er seljandi rennur málingarúllunni eftir kjöl bátsins og kaupandinn fylgist með.


                Ekkert fer á milli mála, hvað verið er að gera þarna


                                   6894. Jónsnes BA 400 kominn vel á loft


                   6894. Jónsnes BA 400, nálgast hafflötinn í Sandgerðishöfn í kvöld


                        6894. Jónsnes BA 400, kominn í sjó í Sandgerðishöfn


              Systurskipið,  7259. Jóhanna GK 86 kemur inn til Sandgerðis í kvöld
                                           © myndir Emil Páll, 5. maí 2010