Hér kemur myndasyrpa sem sýnir þá Þjót NK 21 og Odd V. Gíslason (1978)  koma með Elínu HF 158 í drætti til Sandgerðis, en að auki sjást margir aðrir bátar.

2145. Þjótur NK 21, og 1978. Oddur V. Gíslason koma með Elínu  HF 158 til Sandgerðis © myndir Emil Páll

Ekki er ég það sleipur í rússneskunni að ég geti endursagt nafn skipsins og leyfi ykkur því lesendur góðir að kanna hvort þið náið því betur. Sýnist að þarna sé skipið að losa salt.

Rússneskt saltskip í Helguvík © myndir Emil Páll

Ekki er ég öruggur varðandi það hvaða bátur þetta sé, en giska þó helst á að þetta sé 971. sem síðast hét Fram ÍS 25 og fór í pottinn á nýliðnu ári. Trúlega er hann þarna undir nafninu Aðalvík KE 95.

Bátur að taka ís, í Njarðvíkurhöfn  trúlega með skipaskr. nr. 971, sem hét síðast Fram ÍS 25 en gæti þarna verið Aðalvík KE 95 © mynd Emil Páll

        1237. Leynir GK 8, að koma inn til Sandgerðis © myndir Emil Páll

           1046. Oddeyrin EA 210, í Skipasmíðastöð Njarðvíkur © mynd Emil Páll

Eins og margir muna bjó Bergþór heitinn Hávarðsson um borð í Búrfelli KE, í Njarðvíkurhöfn, meðan hann var að berjast við kerfið, en áform hans voru að breyta bátnum í þjónustumiðstöð fyrir skútur erlendis og stefni niður eftir öllu Atlandshafi. Eitt sinn þegar honum gekk illa varðandi íslenska kerfið ákvað hann að fá frænda sinn í Svíþjóð, til að skrá bátinn þar í land undir nafninu Ásbjörn. Aldrei fór hann þó úr landi og eins og menn kannski muna sigldi Bergþór honum frá Njarðvík og inn á stór-höfuðborgarsvæðið, síðan flakkaði báturinn milli Garðabæjar, Hafnarfjarðar og Akraness en var að lokum rifinn.

Hér sýni ég myndir sem ég tók af bátnum í Njarðvikurhöfn undir Ásbjarnarnafninu. Ekki man ég ártalið sem þetta stóð yfir, né heldur áratugurinn.

Ásbjörn (Svíþjóð) ex 17. Búrfell KE og 44. Kristbjörg II VE 70, í Njarðvíkurhöfn           1125. Bergvík KE 65, Ásbjörn (flaggað til Svíþjóðar) ex 17. Búrfell KE 140, 44. Kristbjörg II VE 70 og 43. Elliði GK 445, í Njarðvíkurhöfn  © myndir Emil Páll

Eftir um klukkustund mun ég hefja birtingu á myndum sem ég tók á 10. áratug síðustu aldar. Sýnist þær vera teknar 1996, eða þar í kring, getur því verið rétt fyrir eða rétt eftir. Hvað um það þetta eru myndir í misstórum syrpum og eiga það sameiginlegt að ég hef aldrei birt þær hér áður