1459. Breki VE 61, á leið út úr Keflavíkurhöfn © mynd Emil Páll

Smíðanúmer 57  hjá Slippstöðinni hf., Akureyri 1976 eftir teikningu Bárðar Hafsteinssonar og Ólafs H. Jónssonar.

Skipið var upphaflega smíðað fyrir Álftafell hf., Stöðvarfirði, en þeir hættu við vegna skorts á fyrirgreiðslu. Skipinu var hleypt af stokkum 29. febrúar 1976 og var þá talið lang fullkomnasta fiskiskip íslendinga. Var það afhent 3. júli 1976 og kom í fyrsta sinn til heimahafnar í Sandgerði 23. júli 1976 og var þá fyrsti togarinn sem hafði þar heimahöfn.

Skipið átti að heita Jón Garðar, og voru gerðir upphleyptir starfi með því nafni á bóg skipssins, en á síðustu stundu var nafninu breytt.

Endurbyggður hjá Slippstöðinni á Akureyri 1978, eftir bruna í Slippstöðinni fyrr sama ár. Lengdur 1988.

Seldur úr landi til Noregs í byrjun febrúar 2007. Lá í höfn í Melbú í Noregi fyrsta árið eftir söluna og þá ennþá með merkinguna Breki KE 61.G Átti að gerast út af norsku fyrirtæki en með heimahöfn í Murmansk, Rússlandi. Eitthvað varð þó lítið úr þeirri útgerð og samkvæmt fréttum er hann farinn í pottinn.

Nöfn: Guðmundur Jónsson GK 475, Breki VE 61, Breki KE 61 og núverandi nafn Breki.

           978. Bjarni Ásmundar ÞH 320 o.fl. í Njarðvikurhöfn fyrir tugum ára © mynd Emil Páll

Smíðanúmer 25 hjá Ulstein Mekaniska Verksted A/S, Ulsteinsvik, Noregi 1964. Smíðanúmer skrokkisns var nr. 1 hjá Hasund Mek, Verksted A/S. Yfirbyggður 1984. Fór í Pottinn fræga til Fornaes, Danmörku í okt. 2007.

Siglfirðingur var talinn fyrsti skuttogari Íslendinga og kom til heimahafnar á Siglufirði aðfaranótt 6. júlí 1964, að vísu voru ekki sammála um að þetta væri skuttogari en það er annað mál.

Nöfn: Siglfirðingur SI 150, Lundi VE 110, Bjarni Ásmundar ÞH 320, Bjarni Ásmundar RE 12, Fram RE 12, Sigurpáll GK 375, Skjöldur SI 101, Súlnafell ÞH 361, Súlnafell EA 840 og Svanur EA 14