23.06.2013 12:19

Rækjuveiðar 2013: Sæfari ÁR 170 að taka trollið í Kolluál

1964. Sæfari ÁR 170, að taka (rækju)trollið í Kolluál © myndir Garðar Kristjánsson, 23. júní 2013

Skrifað af Emil Páli

23.06.2013 11:49

Sólplast: Skemmtileg breyting á þremur vikum

Hér koma tvær myndir sem ég tók með þriggja vikna millibili af sama sjónarhorninu, þar sem stefni Pálínu Ágústsdóttur GK 1, kom út úr hurðinni hjá Sólplasti.

2640. Pálína Ágústsdóttir GK 1 hjá Sólplasti. Myndin er tekin degi eftir að báturinn kom með Gullvagninum, 30. maí 2013

2640. Pálína Ágústsdóttir GK 1 hjá Sólplasti. Myndin er tekin í gær 22. júní 2013, degi eftir að báturinn fór í þennan nýja búning © myndir Emil Páll

Stefnt er að því að báturinn fari síðan aftur með Gullvagninum eftir nokkra daga.

Skrifað af Emil Páli

Tengill á færslu

23.06.2013 10:50

Eigendur Núma HF, Dúu RE og Láru Magg ÍS, komin í þrot

Útgerð farþegabátsins Núma RE 44 hefur verið tekin til gjaldþrotaskipta og hefur þrotabúið selt bátinn til Dalvíkur þar sem hann hefur fengið nafnið Máni.
Skömmu fyrir gjaldþrotið var Dúa RE 400 keypt og voru hafnar breytingar á skipinu við bryggju í Grindavík og hafa þær því stöðvast. Sama má í raun segja með Láru Magga ÍS 86, sem fyrirtækið keypti fyrir nokkrum árum með það fyrir augum að breyta skipinu í skútu, en ekkert hefur verið gert í þeim málum og liggur skipið nú sem fyrr í Njarðvíkurhöfn.

1487. Númi RE 44, sem nú heitir Máni og er frá Dalvík

617. Dúa RE 400, í Grindavík

Í Njarðvíkurhöfn f.v. 1767. Stekkjarhamar GK 37, 1985. Freyr ST 11 og 2039. Blíðfari GK 204

Sömu bátar, en röðin þessi: 2039. Blíðfari GK 204, 1985. Freyr ST 11 og 1767. Stekkjarhamar GK 37, við bryggju í Njarðvík

Hér kemur saga fjögurra systurskipa sem smíðaðir voru í Vélsmiðju Ol. Olsen í Njarðvik, eftir teikningu Karls Olsen yngri á árunum 1987 til 1990. Kom strax í ljós að bátarnir voru alvarlega gallaðir og í raun stórhættulegir og því létu eigendur breikka þá strax. Eins sést á myndunum að þeim var breitt á ýmsa vegu, áður en kom að sjósetningu.

Af þessum bátum eru þrír enn í fullri drift, eftir lagfæringar, en sá sem hafði smíðanúmer 1 var stutt í gangi. Allt um það hér fyrir neðan myndirnar

2039. Blíðfari GK 204, í Njarðvík

2039. Smíðanr. 1 hjá Vélsmiðju Ol. Olsen hf. Njarðvík 1987, eftir teikningu Karls Olsen yngri. Þó smíði hans lyki 1987 var hann ekki sjósettur fyrr en 3. ágúst 1989 og þá í Njarðvík. Strandaði við Þjósárósa 25. ágúst 1990 á leið frá Njarðvík til nýrra eigenda á Breiðdalsvík.

Nöfn: Blíðfari GK 204 og Vöggur GK 204.

1913. Reykjanes GK 19, í Keflavíkurhöfn, en þar var þessi sjósettur

1913. Smíðanr. 2 hjá Vélsmiðju Ol. Olsen hf. Njarðvík 1988, eftir teikningu Karls Olsen yngri. Sjósettur í Keflavíkurhöfn 14. apríl 1988. Breikkaður hjá Dráttarbraut Keflavíkur hf. 1988. Lengdur og hækkaður 1995.

Lá við bryggju í Njarðvíkurhöfn frá vertíð 1993 að hann var innsiglaður og þar til hann var sleginn nauðungaruppboðssölu í feb. 1994.

Nöfn: Reykjanes GK 19, Hringur SH 277, Snúður HF 77, Hafdís HF 249, Óli Færeyingur SH 315, Þórey KE 23, Hellnavík AK 59 , Hellnavík SU 59 og núverandi nafn: Hugborg SH 87.

1767. Stekkjarhamar GK 37

1767. Smíðanr. 3 hjá Vélsmiðju Ol. Olsen hf. í Njarðvík 1989. Lengdur og breikkaður uppi á bryggju í Kópavogi sumarið 1993.

Báturinn var upphaflega smíðaður fyrir útgerðarmann í Grindavík, en hann hætti við áður en smíði lauk.

Nöfn: Stekkjarhamar GK 207, Stekkjarhamar GK 37, Vikar KE 121, Bára SH 27, Grímsey ST 3, Grímsey ST 2, Keflvíkingur KE 50, Happasæll KE 94, Happi KE 95 og núverandi nafn: Kristín ÍS 141

1985. Freyr ST 11, fyrir sjósetningu

1985. Freyr ST 11, daginn sem hann var sjósettur, í Njarðvik

© myndir Emil Páll

1985. Smíðanr. 4 hjá Vélsmiðju Ol. Olsen hf. í Njarðvík 1989 eftir teikningu Karls Olsen yngri. Sjósettur 20.júlí 1989. Lengdur í miðju hjá Skipasmíðastöðinni hf. á Ísafirði sumarið 1994.

Nöfn: Freyr ST 11, Njörður KE 208, Björn Kristjónsson SH 164, Kópanes SH 164, Kópanes EA 14 og núverandi nafn: Kópanes RE 164.

Skrifað af Emil Páli

Tengill á færslu