Um kl. 13 í dag kom Jón & Margeir með skemmtibátinn Hnoss 97, frá Kópavogi til Sólplasts í Sandgerði. Birti ég myndir sem ég tók við það tækifæri, auk einnar myndar af bátnum sigla inn í Grófina í Keflavík er hann bar sama nafn en númerið KE 97.

Þá kem ég aðeins við í sögu bátsins. Hann var smíðaður á Blönduósi 1985 fyrir mann í Vogum og fékk þá nafnið Hafrót GK 42. Síðar seldur til Hvammstanga og þá varð nafnið Hafdís HU 52. Þaðan til Grindavíkur undir nafninu Faxanes GK 727 og til Keflavíkur og fékk þá nafnið Hnoss KE 97 sem síðan var breytt í Hnoss 97 og þeirri skráningu hefur hann haldið síðan og að mig minnir í Garði, Vogum og nú síðast í Garðabæ, en þar sem engin höfn er þar hefur hann notast við Kópavogshöfn og því var hann sóttur þangað í morgun og eftir viðgerð í Sólplasti fer hann norður í land.

6654. Hnoss 97, kemur með Jóni & Margeir, til Sólplast í dag © myndir Emil Páll, 18. jan. 2018             6654. Hnoss 97 komið á athafnarsvæði Sólplasts í Sandgerði í dag © mynd Emil Páll, 18. jan. 2018                6654. Hnoss KE 97, siglir út úr Grófinni Keflavík