Eins og fram kom hjá mér í gær fór dráttarbáturinn Togarinn í gær til Grindavíkur, að ná í Fjölni GK 657 og lagði hann af stað í morgun með hann til Njarðvíkur og gekk ferðin vel og sem dæmi sá ég á AIS-inu að ferðin náði stundum 7,9 mílna hraða. Er bátarnir voru framan við Keflavíkurhöfn kom hafnsögubáturinn Auðunn í hópinn, en ástæðan var sú að Togarinn er mjög djúprista eða um 5 metra og því var ákveðið að fá Auðunn til að draga bátinn inn að slippbryggjunni.

Allt gekk þetta vel og báturinn var tekinn upp í Skipasmíðastöð Njarðvíkur þar sem hann verður tættur í sundur, en þó ekki fyrr en sennilega eftir tvær vikur. Er það af ákveðnum ástæðum, sem ér nefni ekki strax a.m.k.

Hér koma myndir sem ég tók í dag og sýnir sú fyrsta bátanna koma Stakksfjörðinn og síðan koll af kolli, sem ekki er þörf á að segja nánar frá, en sú síðasta myndin er af bátnum, eftir þessa hinstu ferð sína, á leiðinnu upp í slippinn.

237. Fjölnir GK 657, 2923. Togarinn og 2043. Auðunn © myndir Emil Páll, í dag, 9, maí 2017